Train Accident: ہاوڑہ میں ایک اور ریل حادثہ، آپس میں ٹکرائیں دو ٹرینیں، پٹری سے اتری تین بوگیاں

Train Accident: ہاوڑہ کے سنتراگاچی اور شالیمار اسٹیشنوں کے درمیان دو ٹرینیں آپس میں ٹکرا گئیں۔ سنتراگاچی-تروپتی ایکسپریس (خالی) سنتراگاچی سے شالیمار جا رہی تھی، ایک انجن سائیڈ لائن پر دو بوگیوں کو کھینچ رہا تھا۔ دونوں ٹرینیں آپس میں ٹکرا گئیں جس کی وجہ سے کل 3 بوگیاں پٹری سے اتر گئیں۔

پٹڑی سے اتریں تین بوگیاں

اس حادثے کی وجہ سے شالیمار-سنتراگاچی لائن پر ٹرینوں کی آمدورفت میں خلل پڑا۔ حادثے کی وجہ سے دو ٹرینوں کے اوقات میں تبدیلی کی گئی ہے۔ تروپتی ایکسپریس کی دو بوگیاں اور دوسری ٹرین کی ایک بوگی پٹری سے اتر گئی۔ ریلوے حکام موقع پر پہنچ گئے ہیں اور پٹری سے اترنے والی بوگیوں کو ہٹانے کا کام شروع کر دیا گیا ہے۔ ریلوے حکام معاملے کی تحقیقات کر رہے ہیں۔ ٹرین آپریشن جلد معمول پر لانے کی کوششیں کی جا رہی ہیں۔

کچھ دن پہلے جلگاؤں میں ہوا تھا بڑا حادثہ

اس سے قبل، بدھ (22 جنوری، 2025) کو مہاراشٹر کے جلگاؤں ضلع میں ایک ٹرین حادثے میں 13 افراد ہلاک اور 10 زخمی ہوئے تھے۔ بریک لگانے کے بعد پشپک ایکسپریس کے پہیوں سے چنگاریاں نکلنا شروع ہوگئیں جس کی وجہ سے مسافروں نے سمجھا کہ آگ لگ گئی ہے اور پھر خوف و ہراس کا ماحول پیدا ہو گیا۔جس کی وجہ سے  اپنی جان بچانے کے لیے لوگ ٹرین کی زنجیر کھینچ کر پٹریوں پر کودنے لگے۔ کچھ لوگوں نے ٹرین کے ایک طرف پولیہ کی دیوار کے قریب چھلانگ لگا دی اور کچھ لوگ دوسری طرف سے ریلوے ٹریک پر اتر گئے۔

یہ بھی پڑھیں- Gaza Ceasefire: اسرائیلی ٹینکوں نے روکاغزہ واپسی کاراستہ، ہزاروں فلسطینیوں نے سڑکوں پر ڈالے ڈیرے

تیز موڑ کی وجہ سے انہیں سامنے سے آنے والی ٹرین کا احساس نہ ہوا۔ ایسے میں کئی مسافر تیز رفتار کرناٹک ایکسپریس کی زد میں آ گئے۔ اس کے بعد جمعرات (23 جنوری 2025) کو ریلوے بورڈ کے پانچ اعلیٰ حکام کی ٹیم نے حادثے کی تحقیقات شروع کر دیں۔ ریلوے نے حادثے میں جان گنوانے والے مسافروں کے لواحقین کو 1.5 لاکھ روپے معاوضہ دینے کا اعلان کیا ہے۔ ساتھ ہی یہ اعلان کیا گیا کہ جن مسافروں کو شدید چوٹیں آئیں انہیں 50 ہزار روپے معاوضہ دیا جائے گا۔

-بھارت ایکسپریس