قومی

تین مورتی-ہائیفا چوک پرمنایا گیا ہائیفا وجے دیوس، آرایس ایس لیڈراندریشن کمارنے آتم نربھربھارت پردیا زور

نئی دہلی: فورم فاراویئرنیس آف نیشنل سیکورٹی (FANS) کے زیراہتمام دہلی کے تین مورتی–ہائفا چوک پر ہائفا وِجئے دیوس منایا گیا۔ اس موقع پرراشٹریہ سیوم سیوک سنگھ (آرایس ایس) کی قومی عاملہ کے رکن اورفورم کے سرپرست ڈاکٹراندریش کمارنے کہا کہ وزیراعظم نریندرمودی کی قیادت میں آج کا بھارت خود کفیل اورخودمختاربن چکا ہے اوراب کسی دباؤمیں فیصلہ نہیں لیتا۔

ڈاکٹراندریش کمارنے کہا: “بھارت وِشو گرو تھا، ہے اوررہے گا۔ امریکہ، چین، روس یا پاکستان کوئی طاقت بھارت پراپنی من مانی نہیں تھوپ سکتی۔ بھارت ہمیشہ امن کا پیامبر رہا ہے اوردنیا کوامن و ترقی کا پیغام دیتا آیا ہے۔” انہوں نے بھارت اور اسرائیل کی تاریخی دوستی کویادکرتے ہوئے کہا کہ جب بھارت آزادی کی جدوجہد کر رہا تھا، تبھی بھارتی فوجیوں نے اسرائیل کو سلطنتِ عثمانیہ سے آزاد کرانے میں بھی اہم کردارادا کیا۔ یہ رشتہ آج بھی اٹوٹ ہے۔ انہوں نے عوام کو نوراتری اور جی ایس ٹی میں کمی کی خوشی پرمبارکباد بھی دی۔

اس موقع پر بھارت میں اسرائیل کے ڈپٹی چیف آف مشن فارس صائب نے شہداء کی یادگارپرپھول چڑھاتے ہوئے کہا: ”بھارت اوراسرائیل کی دوستی اٹوٹ ہے، اسے کوئی کمزورنہیں کرسکتا۔ اسرائیل دنیا میں امن چاہتا ہے اوربھارت اس مشن میں اُس کا مضبوط شریک ہے۔“ فینس کے قومی ورکنگ صدرجسبیرسنگھ نے اپنے استقبالیہ خطاب میں کہا کہ یہ تقریب برسوں سے شہداء کی قربانی اوربھارت-اسرائیل تعلقات کویاد کرنے کے لیے منائی جاتی رہی ہے۔ شکریہ کی پیشکش میجرجنرل سریش بھٹہ چاریہ نے کی۔

تقریب میں این ڈی ایم سی کے عہدیداروں کے علاوہ پروفیسرشیوراجی سرکار، ایڈووکیٹ پرویش کھنہ، ایڈووکیٹ ارون کمار، ایڈووکیٹ ویرندرکمارچوہدری، راجپال سنگھ، ڈاکٹرویویک، ڈاکٹرچھترسنگھ، جے این یوکی ڈاکٹرپوجا، میانک شیکھرسمیت کئی معززشخصیات موجود تھیں۔ فورم کے دہلی چیپٹرکے راجیش مہاجن، ایڈووکیٹ ابھیہ تایل اورایڈووکیٹ راجیورنجن نے مہمانوں کا استقبال کیا۔ تقریب کے ثقافتی حصے میں لے ردھم گروپ کے راجیِومکھوپادھیائے اورمنمن بسواس کی قیادت میں فنکاروں نے رنگا رنگ پروگرام پیش کیا۔ دہلی یونیورسٹی اورجامعہ ملیہ اسلامیہ کے این سی سی کیڈٹس نے خصوصی پریڈ کے ذریعے معززین کا استقبال کیا۔ نظامت وائشالی بھاٹیا اور یشسوی سنگھ نے کی۔

بھارت ایکسپریس اردو-

Bharat Express

Recent Posts

Rani Lakshmibai Birth Anniversary: رانی لکشمی بائی کی یوم پیدائش پر وزیر اعظم مودی اور امت شاہ نے پیش کیا خراج عقیدت

وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…

48 minutes ago

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

1 hour ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

1 hour ago