PM Modi News: دنیا بھارت کو امید اور جوش کی نگاہ سے دیکھ رہی ہے،  بڑھ رہا ہےعالمی سرمایہ کاری اور تعاون: وزیر اعظم نریندر مودی

نئی دہلی: وزیر اعظم نریندر مودی نے جمعہ کو کے روز کہا کہ آج دنیا بھارت کو امید اور جوش و خروش کے ساتھ دیکھ رہی ہے۔ انہوں نے کہا کہ بھارت پر بڑھتا ہوا عالمی اعتماد بین الاقوامی سطح پر تعاون اور سرمایہ کاری میں اضافے کی صورت میں واضح طور پر نظر آ رہا ہے۔ مائی گَو انڈیا کے ایک مضمون کو شیئر کرتے ہوئے وزیر اعظم نے کہا کہ بھارت ایک بہتر دنیا کی تعمیر میں اپنا بھرپور کردار ادا کرنے کے لیے پوری طرح پُرعزم ہے اور عالمی سطح پر مسلسل اپنی مضبوط حیثیت قائم کر رہا ہے۔

بہتر دنیا کی تعمیر کے لیے بھارت کا عزم

وزیر اعظم نے سوشل میڈیا پلیٹ فارم ایکس پر اپنے خیالات کا اظہار کرتے ہوئے کہا کہ بھارت ہمیشہ ایک بہتر کرۂ ارض اور بہتر مستقبل کی تعمیر میں اپنا حصہ ڈالنے کے لیے تیار رہتا ہے۔ وزیر اعظم مودی نے مزید کہا کہ بھارت کے تئیں دنیا کا بڑھتا ہوا اعتماد ملک کے ایک سو چالیس کروڑ شہریوں کی کوششوں اور امنگوں کا نتیجہ ہے۔ انہوں نے کہا، ’’بھارت ایک بہتر دنیا کی تعمیر کے لیے جو کچھ ممکن ہوگا، وہ کرنے کے لیے ہمیشہ تیار ہے۔ ساتھ ہی ایک سو چالیس کروڑ بھارتیوں کی بدولت دنیا بھارت کو امید اور جوش کے ساتھ دیکھ رہی ہے۔ یہی وجہ ہے کہ دنیا بھارت کے ساتھ شراکت داری کر رہی ہے اور بھارت میں سرمایہ کاری کر رہی ہے۔‘‘

عالمی سطح پر بھارت کے بڑھتے اثر و رسوخ کا ذکر

وزیر اعظم کا یہ بیان مائی گَو انڈیا کی اس پوسٹ کو شیئر کرتے ہوئے سامنے آیا، جس میں گزشتہ بارہ برسوں کے دوران عالمی سطح پر بھارت کے بڑھتے ہوئے اثر و رسوخ کو اجاگر کیا گیا تھا۔ مائی گَو انڈیا نے اپنی پوسٹ میں کہا کہ سن 2014 کے بعد دنیا کے ساتھ بھارت کے تعلقات ایک نئے اور مؤثر دور میں داخل ہو چکے ہیں۔ اب بھارت عالمی مسائل پر ہونے والی بحث کو سمت دینے، تزویراتی شراکت داری کو مضبوط بنانے اور بین الاقوامی ترجیحات میں زیادہ مؤثر کردار ادا کرنے کی پوزیشن میں ہے۔

عالمی معاملات میں بھارت کی مضبوط موجودگی

’’بھارت کا عالمی عروج: ایک ایسی تبدیلی جسے دنیا نظر انداز نہیں کر سکتی‘‘ کے عنوان سے جاری پوسٹ میں کہا گیا کہ بھارت میں آنے والی تبدیلی عالمی فورمز اور بین الاقوامی شراکت داریوں میں واضح طور پر دیکھی جا سکتی ہے، جو عالمی معاملات میں اس کے بڑھتے ہوئے کردار اور اثر و رسوخ کی عکاسی کرتی ہے۔ پوسٹ میں کہا گیا، ’’ 2014 کے بعد دنیا کے ساتھ بھارت کا رابطہ زیادہ مؤثر ہوا ہے۔ ملک اب عالمی مباحث کو سمت دینے، شراکت داریوں کو مضبوط بنانے اور بین الاقوامی ترجیحات میں زیادہ نمایاں حیثیت، اعتماد اور ساکھ کے ساتھ اپنا کردار ادا کر رہا ہے۔‘‘

اقتصادی، سفارتی اور تزویراتی طاقت کے طور پر ابھرتا بھارت

مائی گَو انڈیا کے مطابق، عالمی سطح پر بھارت کی بڑھتی ہوئی موجودگی اس بات کا ثبوت ہے کہ ملک آج دنیا کی اہم اقتصادی، سفارتی اور تزویراتی طاقتوں میں شامل ہو چکا ہے۔

بھارت ایکسریس۔