Delhi-NCR Weather Today:دہلی- این سی آر میں سردی اور دھند کے دوہری مار، ہوا میں زہر، دہلی چوتھا سب سے آلودہ شہر

دہلی-این سی آر میں اب سردی کی اچھی خاصی شروع ہوگئی ہے۔ ہندوستان کے محکمہ موسمیات کے مطابق 7 نومبر کی رات سے دارالحکومت میں رات کا درجہ حرارت 13 سے 14 ڈگری سیلسیس تک گر جائے گا، اور دن کا درجہ حرارت 28 ڈگری سیلسیس سے نیچے رہے گا۔ دارالحکومت میں 5 نومبر کو صبح کی دھند نظر آنا شروع ہوئی اور آنے والے دنوں میں اس میں اضافہ ہو سکتا ہے۔ محکمہ موسمیات نے پیش گوئی کی ہے کہ 7 اور 9 نومبر کے درمیان سردی کی شدت بڑھے گی، جس سے دہلی والوں کو دسمبر جیسی ٹھنڈی راتوں کا احساس ہونا شروع ہوجائے ہوگا۔

درجہ حرارت اور ہوا کی رفتار میں کمی

گزشتہ 24 گھنٹوں میں دہلی-این سی آر میں درجہ حرارت میں تقریباً 3 ڈگری سیلسیس کی کمی آئی ہے۔ 17 کلومیٹر فی گھنٹہ کی رفتار سے چلنے والی ٹھنڈی ہوائیں سردی کو مزید بڑھا رہی ہیں۔ محکمہ موسمیات کے مطابق یہ تبدیلی مغربی ڈسٹربنس اور شمال مغربی ہواؤں کی وجہ سے ہوئی ہے۔ اس دوران دن کے وقت سورج نکلے گا، لیکن اس کی گرمی زیادہ دیر نہیں رہے گی۔

ہوا میں زہر، دہلی چوتھا سب سے آلودہ شہر

سردی کے ساتھ ساتھ دہلی کی ہوا بھی ایک بار پھر زہریلی ہو گئی ہے۔ مرکزی آلودگی کنٹرول بورڈ کے اعداد و شمار کے مطابق دارالحکومت کا اوسط ایئر کوالٹی انڈیکس (AQI) 311 ریکارڈ کیا گیا، جو ‘انتہائی خراب’ زمرے میں آتا ہے۔ پی ٹی آئی کے مطابق  دہلی اس وقت ملک کے چوتھے سب سے آلودہ شہر کے طور پر درجہ بند ہے، جب کہ روہتک 348 کے AQI کے ساتھ سرفہرست ہے۔ دہلی- این سی آر  کے بڑے شہروں میں، نوئیڈا کا AQI 257، غازی آباد کا 250، گڑگاؤں 257، اور گریٹر نوئیڈا کا 228 تھا۔

پرالی جلانے اور گاڑیوں کی وجہ سے آلودگی میں اضافہ

ایئر کوالٹی فورکاسٹنگ کے سپورٹ سسٹم  کے مطابق دہلی میں آلودگی کی اہم وجوہات پرالی  کو جلانا اور گاڑیوں کا اخراج ہے۔ رپورٹ کے مطابق، پرالی جلانے سے جمعرات میں  پی ایم 2.5 میں 21.5 فیصد حصہ رہا، جو جمعہ کو 36.9 فیصد تک پہنچ سکتا ہے۔ پنجاب، ہریانہ، اور اتر پردیش کے سیٹلائٹ ڈیٹا میںپرالی جلانے کے سینکڑوں واقعات ریکارڈ کیے گئے ہیں۔ 6 اور 8 نومبر کے درمیان ہوا کا معیار “انتہائی خراب” زمرے میں رہنے کی توقع ہے۔ دارالحکومت کی ہوا دیوالی کے بعد سے مسلسل “خراب” اور “انتہائی خراب” حالات میں بنی ہوئی ہے، جس سے شہریوں کو سانس لینے میں دشواری ہوسکتی  ہے۔

بھارت ایکسپریس اردو