Jamia Hamdard successfully organized the Viksit Bharat Yuva Connect Programme: این ایس ایس جامعہ ہمدرد میں وکست بھارت یووا کنیکٹ پروگرام کا کامیاب انعقاد

نئی دہلی، 5 دسمبر 2025: نیشنل سروس اسکیم (NSS) جامعہ ہمدرد نے وزارت امورنوجوان و کھیل کود، حکومت ہند کے فلیگ شپ پروگرام وکست بھارت یووا کنیکٹ پروگرام (VBYCP) کا کامیاب انعقاد کیا۔ اس پروگرام کا مقصد نوجوان شہریوں کو بااختیار بنا کر انہیں وکست

بھارت @ 2047 کے قومی وژن کی تکمیل میں مؤثر کردار ادا کرنے کے لیے تیار کرنا ہے،جس کا تصور آزادی کی صدی تک ایک  مکمل ترقی یافتہ بھارت کا خواب پیش کرتا ہے۔

تقریب میں معزز مقررین نے نوجوانوں کی صلاحیت اور ان کے تبدیلی لانے والے کردار پر زور دیتے ہوئے اہم خطابات کیے:پریانک مشرا، اے پی ایس برائے وزیر امورنوجوان و کھیل کود،  انہوں نے حکومت کی نوجوانوں پر مبنی ترقی کے تئیں غیر متزلزل وابستگی کا اظہار کیا۔ انہوں نے کہا کہ VBYCP جیسے پروگرام نوجوانوں کی توانائی اور خواہشات کو قومی ترقی کی سمت میں موڑنے میں کلیدی کردار ادا کرتے ہیں۔

پرتھم سنگھ نے نہایت پُرجوش اور متاثر کن خطاب کیا، جس میں انہوں نے طلبہ کو کمیونٹی ڈویلپمنٹ اور قومی ترقی میں فعال کردار ادا کرنے کی ترغیب دی۔ انہوں نے نوجوانوں کو اپنی سماجی ذمہ داریوں کو سنجیدگی سے نبھانے کی نصیحت کی۔

نینسی رنگا، ینگ پروفیشنل، ریجنل ڈائریکٹوریٹ آف NSS دہلی، نے طلبہ میں قیادت، نظم و ضبط اور سماجی شعور پیدا کرنے میں NSS کے کردار پر روشنی ڈالی۔ انہوں نے طلبہ سے کہا کہ وہ NSS کے ذریعے فراہم کیے جانے والے مواقع سے بھرپور فائدہ اٹھائیں۔

کرنل طاہر مصطفیٰ، رجسٹرار جامعہ ہمدرد،  انہوں نے NSS کی کوششوں کو سراہا اور طلبہ کو مشورہ دیا کہ وہ خود کو بھارت کی ترقی کے اہم اسٹیک ہولڈر سمجھیں۔

پروگرام میں محترمہ الزا جوز ،یوتھ آئیکون اور محترمہ نیلو تھڈانی، ڈسٹرکٹ یوتھ آفیسر (NYK) کی شرکت بھی شامل رہی۔ دونوں نے رضاکاروں سے گفتگو کرتے ہوئے قوم کی تعمیر میں نوجوانوں کی شرکت کی اہمیت پر روشنی ڈالی۔

یہ پروگرام پروفیسر جاوید احمد اور مرزا راحیل بیگ، کوآرڈی نیٹر NSS، کی نگرانی میں نہایت عمدہ اور مربوط انداز میں منعقد ہوا، جس سے طلبہ کی بھرپور شرکت اور مفید رہنمائی یقینی بنائی گئی۔

VBYCP نے نوجوانوں کو بھارت کے ترقیاتی خاکے سے آگاہ کیا اور انہیں کمیونٹی سروس، آگہی مہمات، اور قیادت پر مبنی سرگرمیوں میں حصہ لینے کی ترغیب دی۔این ایس ایس جامعہ ہمدرد نوجوانوں کو ذمےدار، بااختیار اور سماجی طور پر باشعور شہری بنانے کے اپنے عزم پر قائم ہے۔

بھارت ایکسپریس اردو