Ramadan 2026: رمضان المبارک کا پہلا عشرہ مکمل، کل سے شروع ہوگا ’مغفرت‘ کا عشرہ، جانئے کیا ہے اس کی فضیلت

اب رمضان کا پہلا عشرہ مکمل ہو چکا ہے اور دوسرا عشرہ شروع ہو گیا ہے۔ پہلا عشرہ رمضان کے آغاز کے دنوں پر مشتمل ہوتا ہے اور اس میں رحمتوں اور برکتوں کا زیادہ زور ہوتا ہے۔ مسلمان اس عشرے میں زیادہ تر روزے، نماز، تلاوت قرآن اور صدقہ و خیرات پر توجہ دیتے ہیں۔ پہلا عشرہ انسان کو رمضان کی ابتدائی تربیت دیتا ہے، اس کے ارادوں کو مضبوط کرتا ہے اور اسے نیک اعمال کے راستے پر لے جاتا ہے۔ دوسرا عشرہ رمضان میں زیادہ تر مغفرت اور اللہ کی رحمت پر توجہ مرکوز ہوتی ہے۔ اس عشرے میں خاص طور پر دعا، عبادت اور نفل نماز پر زور دیا جاتا ہے۔ روایت کے مطابق اللہ کی معافی اور رحمت کے وسیع دروازے اس عشرے میں کھلے ہوتے ہیں، اور مسلمان زیادہ سے زیادہ نیک اعمال کر کے اپنے گناہوں کی معافی طلب کرتے ہیں۔ دوسرا عشرہ رمضان کی روحانی ترقی کے لیے نہایت اہم ہے کیونکہ یہ انسان کے دل و دماغ کو تقویٰ اور صبر کی طرف مائل کرتا ہے۔

رمضان دراصل قرآن کا مہینہ

رمضان المبارک نزول قرآن کا مہینہ ہے، بنی آدم کی ہدایت کا سرچشمہ قرآن پاک اسی مہینے میں نازل ہوا تھا، لہذا اس کتاب سے اپنی نصبت جوڑنے والوں کی ایک بڑی ذمہ داری یہ بھی ہےکہ اس کتاب  کےمطابق اپنی زندگی کو سنواریں اور رمضان کے دوسرے عشرے یعنی مغفرت کے عشرے میں اللہ سے اپنےزمانہ جاہلیت کے گناہوں کو یاد کرتے ہوئے حقیقی مغفرت طلب کریں اور آئندہ کے لیے توبہ کریں۔

مغفرت کے عشرے میں معاشرتی فلاح و بہبود پر بھی زور

عشرے میں معاشرتی فلاح و بہبود پر بھی زور دیا جاتا ہے۔ لوگ زیادہ صدقہ و خیرات کرتے ہیں اور ضرورت مندوں کی مدد کر کے اپنے اعمال میں برکت پیدا کرتے ہیں۔ رمضان کے اس عشرے میں قیام شب، زیادہ تلاوت قرآن اور نفل عبادات کرنے سے انسان کے دل کو سکون اور روحانی طاقت حاصل ہوتی ہے۔دوسرا عشرہ رمضان ہمیں یاد دلاتا ہے کہ اللہ کی رضا کے لیے کوشش جاری رکھنا اور اپنی روحانی تربیت میں استقامت پیدا کرنا ضروری ہے۔ اس عشرے کا مقصد صرف عبادت نہیں بلکہ انسان کی زندگی میں نظم، صبر اور معاشرتی ذمہ داریوں کا فروغ بھی ہے۔ مسلمانوں کو چاہیے کہ وہ اس عشرے کی برکتوں سے بھرپور فائدہ اٹھائیں، اپنی دعاؤں اور نیک اعمال کے ذریعے اپنی روحانی ترقی کریں اور رمضان کے آخری عشرے کی تیاری کریں۔

دلوں کے تزکیہ، روح کی تقویت اور معاشرتی بھلائی کا مہینہ

رمضان کے اس دوسرے عشرے کا آغاز ہمیں یاد دلاتا ہے کہ یہ مہینہ صرف روزہ رکھنے کا نام نہیں بلکہ یہ دلوں کے تزکیہ، روح کی تقویت اور معاشرتی بھلائی کا مہینہ ہے، جس میں ہر مسلمان کو اپنی زندگی میں تبدیلی لانے کی کوشش کرنی چاہیے۔ رحمت کا عشرہ ہم سے رخصت ہوگیا اس میں جو بھی کوتاہیاں ہوئی ہیں اس کے تدارک کے لئے ابھی ہمارے پاس جو ایام ہیں اسے ہمیں اچھی طرح کام میں لاکر اپنی نیکیوں میں اضافہ کرنے کا سنہرا موقع ہے۔ اب ہم مغفرت و بخشش کے عشرہ میں داخل ہو گئے ہیں، اب ہمیں چاہئے کہ اس عشرے میں خوب خوب اللہ تعالیٰ سے اپنی مغفرت وبخشش کی دعا کریں، یہی ماہ رمضان کا اصل حاصل ہے۔

بھارت ایکسپریس اردو۔