Tejashwi calls Nitish a ‘cheat minister’: تیجسوی یادو کا بہار کے وزیر اعلیٰ کے متعلق سخت تبصرہ، نتیش کمار کو کہا ’چیٹ منسٹر‘

پٹنہ: بہار میں ’ووٹر ادھیکار یاترا‘ میں زبان کی ساری حدیں ٹوٹ گئیں۔ وزیر اعظم مودی کے بارے میں نازیبا تبصرہ کیا گیا۔ اب بہار اسمبلی میں اپوزیشن لیڈر تیجسوی یادو نے ’مکھیہ منتری مہیلا روزگار یوجنا‘ کو لے کر نتیش حکومت پر متنازعہ تبصرہ کیا ہے۔ انہوں نے وزیر اعلیٰ نتیش کمار پر متنازعہ بیان دیتے ہوئے انہیں ’چیٹ منسٹر‘ کہہ دیا۔ آر جے ڈی لیڈر نے کہا کہ نتیش حکومت کے پاس اپنا کوئی ویژن نہیں ہے۔ بہار کی عوام ان کی چال اور کردار کو سمجھ چکے ہے اور اب تبدیلی لائی گے گی۔

’’نتیش ’چیٹ منسٹر‘ کی طرح کر رہے ہیں کام‘‘

اتوار کو پٹنہ میں میڈیا سے بات کرتے ہوئے آر جے ڈی لیڈر تیجسوی یادو نے کہا، ’’وزیر اعلیٰ نتیش کمار تو چیٹںگ کر رہے ہیں۔ ان کا اپنا ویژن تو ہے نہیں۔ وہ وزیر اعلیٰ کی طرح نہیں، بلکہ ’چیٹ منسٹر‘ کی طرح کام کر رہے ہیں۔ ان کے پاس اپنا کوئی ویژن نہیں ہے۔ بہار کی عوام نے ان کی چال اور کردار کو پہچان لیا ہے۔ اب تبدیلی لائے گی۔‘‘

’مکھیہ منتری مہیلا روزگار یوجنا‘ کو ملی منظوری

دراصل، بہار کی کابینہ نے جمعہ کے روز خواتین کے روزگار کے لیے ایک نئی اسکیم ’مکھیہ منتری مہیلا روزگار یوجنا‘ کو منظوری دی ہے۔ اس اسکیم کا بنیادی مقصد ریاست کے تمام خاندانوں کی ایک خاتون کو اپنی پسند کا کام شروع کرنے کے لیے مالی مدد فراہم کرنا ہے۔

اس اسکیم کے بارے میں وزیر اعلیٰ نتیش کمار نے سوشل میڈیا پلیٹ فارم X پر لکھا تھا، ’’ہم لوگوں نے نومبر 2005 میں حکومت کے قیام کے بعد سے خواتین کو بااختیار بنانے کے لیے بڑے پیمانے پر کام کیا ہے۔ خواتین کو بااختیار اور خود انحصار بنانے کے لیے کئی اہم اقدامات کیے گئے ہیں۔ اب خواتین نہ صرف اپنی محنت سے بہار کی ترقی میں اپنا حصہ ڈال رہی ہیں، بلکہ اب وہ اپنے خاندانوں کی معاشی حالت کو بھی مضبوط کر رہی ہیں۔ اس مشن کو آگے بڑھاتے ہوئے، اب ہم لوگوں نے خواتین کے مفاد میں ایک اہم اور بے مثال فیصلہ کیا ہے، جس کے دور رس مثبت نتائج برآمد ہوں گے۔‘‘

نئی اسکیم کے تحت، مالی امداد کے طور پر، ہر خاندان کی ایک خاتون کو اس کی پسند کے روزگار کے لیے پہلی قسط کے طور پر 10,000 روپے دیے جائیں گے۔ خواہشمند خواتین سے درخواستیں وصول کرنے کا عمل جلد شروع کر دیا جائے گا۔

بھارت ایکسپریس۔