VCK terms For TVK Supports: تمل ناڈو میں نئی حکومت پرتعطل برقرار، وی سی کے نے ٹی وی کے کی حمایت کے لئے وجے کے سامنے رکھی یہ شرط

تمل ناڈو میں نئی حکومت کی تشکیل سے متعلق تعطل ابھی بھی برقرارہے۔ اداکاروجے کی پارٹی تملیگا وینی کژگم (ٹی وی کے) کوحمایت دینے سے پہلے تھول تھروماولون کی پارٹی ودوتھلائی چروتھائیگل کاچی (وی سی کے) نے بڑی شرائط سامنے رکھ دی ہیں۔ ذرائع کے مطابق، وی سی کے نے حکومت میں حصہ داری کے تحت نائب وزیراعلیٰ کا عہدہ اوراہم وزارتوں کا مطالبہ کیا ہے۔

نائب وزیراعلیٰ کا عہدہ مانگ رہی ہے وی سی کے

ذرائع کے مطابق، وی سی کے چاہتی ہے کہ پارٹی سربراہ تھول تھروماولون کونائب وزیراعلیٰ بنایا جائے۔ اس کے علاوہ پارٹی اپنے نومنتخب اراکین اسمبلی کے لئے کابینی وزیرکا عہدہ بھی مانگ رہی ہے۔ اس موضوع پرجمعہ کے روزڈیجیٹل ذرائع سے ہوئی پارٹی کی میٹنگ میں تبادلہ خیال کیا گیا۔

وجے کی سیٹ پربھی نظر

ذرائع نے بتایا کہ اگروجے تروچراپلّی مشرق اسمبلی سیٹ چھوڑتے ہیں تووی سی کے چاہتی ہے کہ وہاں سے تھول تھروما ولون الیکشن لڑیں۔ مانا جا رہا ہے کہ وجے چنئی کی پیرمبورسیٹ اپنے پاس رکھ سکتے ہیں۔ وی سی کے کے ترجمان کے کے پاولن نے کہا کہ پارٹی سربراہ تھروماولن آج شام 4 بجے ٹی وی کے کوحمایت دینے یا نہ دینے پرحتمی فیصلہ کا اعلان کریں گے۔ جمعہ کے روزاعلیٰ سطح کی میٹنگ میں انہیں اس سے متعلق حتمی فیصلہ لینے کا اختیاردیا گیا تھا۔

دلت ریزرویشن اورکمیشن پربھی تبادلہ خیال