Tamil Nadu Election Result 2026: تمل ناڈو میں اداکار تھلاپتی وجے کی شاندار لہر، پہلے ہی الیکشن میں درج کر رہے ہیں تاریخی جیت، ڈی ایم کے اور اے ڈی ایم کے کافی پیچھے چھوڑ دیا

Tamil Nadu Assembly Election Results 2026: تمل ناڈو اسمبلی الیکشن کے نتائج آج سامنے آرہے ہیں۔ ووٹوں کی گنتی جاری ہے۔ سبھی پارٹیاں اپنی جیت کا دعویٰ کر رہی ہیں، لیکن اس بارریاست میں چاراہم پارٹیوں کے درمیان مقابلہ ہونے کی وجہ سے انتخابی نتائج سے متعلق حتمی اندازہ لگانا کافی مشکل ہوگیا تھا۔ حالانکہ ابتدائی رجحان میں اداکارتھلاپتی وجے کی پارٹی تملیگا ویٹری کژگم (ٹی وی کے) سب سے شاندارکارکردگی کا مظاہرہ کررہی ہے اوراکثریت کے قریب پہنچتی ہوئی نظرآرہی ہے۔ تمل ناڈوکی کل 234 سیٹوں میں سے ٹی وی کے 111 سیٹوں پرآگے چل رہی ہے۔

تین گھنٹے سے زیادہ ووٹوں کی گنتی کے بعد تھلاپتی وجے کی پارٹی 111 سیٹوں پرآگے چل رہی ہے۔ ان کی پارٹی سب سے بڑی پارٹی کے طورپرابھررہی ہے۔ انہوں نے ہرکسی کوحیران کر دیا ہے۔ وہیں وزیراعلیٰ ایم کے اسٹالن کی پارٹی ڈی ایم کے اوراس کے اتحاد 50 سیٹوں پرآگے چل رہی ہے۔ جبکہ اے آئی ڈی ایم اتحاد 72 سیٹوں پرآگے ہے۔ دیگر کے کھاتے میں کوئی بھی سیٹ نہیں جا رہی ہے۔

دونوں سیٹوں پرآگے چل رہے ہیں تھلاپتی وجے

اس الیکشن میں تھلاپتی وجے خود تروچراپلی ایسٹ اورپیرمبوراسمبلی سیٹوں سے الیکشن لڑرہے ہیں۔ وہ دونوں سیٹوں پرکافی آگے چل رہے ہیں۔ تروچراپلی ایسٹ سے تھلاپتی وجے ڈی ایم کے کے امیدوارایس نگوڈی ہردے راج سے آگے چل رہے ہیں۔ تین راونڈ کی ووٹوں کی گنتی کے بعد وجے تھلاپتی کو 12523 ووٹ ملے ہیں جبکہ ڈی ایم کے امیدوارایس نگوڈی کو7237 ووٹ ملے ہیں۔ اس طرح سے تھلاپتی وجے5286 ووٹوں سے آگے چل رہے ہیں۔ وہیں اگرپیرمبورسیٹ کی بات کی جائے تووہاں بھی تھلاپتی وجے بڑی سبقت حاصل کررہے ہیں۔ پیرمبورسیٹ پروجے تھلاپتی کو تین راونڈ میں 18684 ووٹ ملے ہیں۔ جبکہ ڈی ایم کے امیدوارآرڈی شیکرکو10544 ووٹ ملے ہیں۔ تھلاپتی وجے 8140 ووٹوں سے آگے چل رہے ہیں۔

ٹی وی کے نے کیا بڑا دعویٰ

واضح رہے کہ اس الیکشن میں اداکار تھلاپتی وجے کی پارٹی تملیلگا ویٹری کژگم (ٹی وی کے) نے خود کو ریاست میں تبدیلی کی طاقت کے طورپر پیش کیا تھا۔ پارٹی کا دعویٰ ہے کہ وہ روایتی دراوڑ پارٹیوں سے پریشان ہوچکے رائے دہندگان کو متوجہ کرنے میں کامیاب رہی ہے۔ آج آنے والے نتائج نہ صرف اگلی حکومت طے کریں گے بلکہ آنے والے سالوں کے لئے ریاست کی سیاست کی سمت بھی طے کریں گے۔

بھارت ایکسپریس اردو-