Swami Chakrapani On Chandrayaan 3: چاند کو ہندو راشٹر قرار دیں،شیو شکتی پوائنٹ کو دارلحکومت بنائیں،سوامی چکر پانی کا دعوی،بنائیں گے مندر

23 اگست کو، ہندوستان کے چندریان-3 مشن نے چاند کے جنوبی قطب پرسافٹ  لینڈنگ کی، جس نے خلا میں تاریخ رقم کی۔ جس کے بعد پورے ملک میں جشن کا ماحول ہے۔ پی ایم مودی نے ہفتہ (26 اگست) کو اعلان کیا تھا کہ چندریان -3 کے لینڈنگ سائٹ کو ‘شیو شکتی’ پوائنٹ کہا جائے گا۔ اس نام بدلنے کے بعد ملک میں سیاست بھی تیز ہو گئی ہے۔

اب ہندو مہاسبھا کے صدر سوامی چکرپانی نے بھی اس معاملے پر بیان دیا ہے۔ انہوں نے اتوار (27 اگست) کو کہا، ’’جہادی ذہنیت کے لوگوں کے چاند پر پہنچنے سے پہلے ہی چاند کو ہندو راشٹر قرار دیا جانا چاہیے اور شیو شکتی پوائنٹ کو ہندو راشٹر کا دارالحکومت بنایا جانا چاہیے۔‘‘

“چاند کو ہندو راشٹر قرار دیا جائے”

انہوں نے مزید کہاکہ “ہم شیو شکتی پوائنٹ کو شیو شکتی دھام کے طور پر دیکھ رہے ہیں۔ ہندو مہاسبھا، سنت مہاسبھا کی جانب سے، میں حکومت کو ایک خط بھی بھیج رہا ہوں کہ چاند کو ہندو راشٹر قرار دیا جائے اور شیو شکتی پوائنٹ کو اس کا دارالحکومت بنایا جائے۔” ایک تجویز بھی پاس کی کہ ہم شیو شکتی پوائنٹ پر بھگوان شیو، ما پاروتی اور بھگوان گنیش کا ایک عظیم الشان مندر تعمیر کریں گے، جیسے ہی یہ قابل رسائی ہو جائے گا۔”

 وزیراعظم نے کیا تھا یہ اعلان

پی ایم مودی نے ہفتہ کو یہ بھی کہا تھا کہ 2019 میں چاند کی سطح پر جس جگہ چندریان-2 نے اپنے قدموں کے نشان چھوڑے تھے اسے ترنگا پوائنٹ کہا جائے گا اور 23 اگست کو قومی خلائی دن کے طور پر منایا جائے گا۔

اسرو نے 14 جولائی کو چندریان -3 لانچ کیا تھا۔ یہ 23 اگست کی شام کو چاند کے جنوبی قطب پر کامیابی کے ساتھ  اترا۔ اس سے پہلے کوئی بھی چاند کے حصے تک نہیں پہنچ سکا تھا۔ ہندوستان ایسا کرنے والا پہلا ملک بن گیا ہے۔