International Yoga Day 2024: سوپور کا طالب علم بھی ’انٹرنیشنل یوگا ڈے‘ پر پی ایم مودی کے ساتھ کرے گا یوگا، جانئے کون ہے نویں جماعت کا فیضان بشیر

نئی دہلی: وزیر اعظم نریندر مودی 20 اور 21 جون کو جموں و کشمیر کے دو روزہ دورے پر ہوں گے۔ پی ایم مودی 21 جون کو ’انٹرنیشنل یوگا ڈے‘ (International Yoga Day 2024) کے موقع پر سری نگر کے شیر-کشمیر انٹرنیشنل کنونشن سینٹر (SKICC) میں منعقدہ تقریب میں شرکت کریں گے۔ اس دوران سوپور کے طالب علم فیضان بشیر بھی سری نگر میں وزیر اعظم مودی کے ساتھ ’انٹرنیشنل یوگا ڈے‘ میں حصہ لے گا۔ طالب علم فیضان بشیر گورنمنٹ ہردوشیوا ہائی اسکول میں نویں جماعت کا طالب علم ہے۔ فیضان بشیر نے پی ایم مودی کے ساتھ یوگا پروگرام میں شرکت پر خوشی کا اظہار کیا ہے۔

 (International Yoga Day 2024) فیضان نے یوگا کے مختلف آسنوں کا مظاہرہ کیا

فیضان بشیر نے خوشی کا اظہار کرتے ہوئے کہا کہ جمعہ کے روز مجھے سری نگر جانا ہے، جہاں میں پی ایم مودی کے ساتھ یوگا کروں گا۔ اس کے لیے میں پورے عملے کا شکریہ ادا کرنا چاہتا ہوں، جو میری حوصلہ افزائی کر رہے ہیں اور مجھے پی ایم مودی کے ساتھ یوگا پروگرام میں بھیج رہے ہیں۔ اس دوران فیضان بشیر نے میڈیا کے سامنے یوگا کے مختلف آسنوں کا مظاہرہ بھی کیا جن میں تریکوناسنا، دھنوراسنا، سرونگاسنا شامل ہیں۔

 (International Yoga Day 2024) پی ایم مودی نے بین یوگا کو پہچان دلانے کی پہل کی

یوگا ڈے کی شروعات ہندوستان نے ہی کی تھی۔ نریندر مودی نے وزیر اعظم بنتے ہی یوگا کو بین الاقوامی سطح پر پہچان دلانے کی پہل کی۔ پی ایم مودی نے ستمبر 2014 میں اقوام متحدہ میں ‘یوگا ڈے’ منانے کی تجویز پیش کی تھی۔ کئی ممالک نے اس تجویز کی حمایت کی اور بعد میں 11 دسمبر 2014 کو اقوام متحدہ نے اس تجویز کو قبول کر لیا۔ اس کے بعد ہر سال 21 جون کو ’بین الاقوامی یوگا ڈے‘ منانے کا فیصلہ کیا گیا۔

یہ بھی پڑھیں: کشمیرمیں سیکورٹی اہلکاروں نے لشکرطیبہ کے دو پاکستانی دہشت گردوں کو کیا ہلاک، بڑے پیمانے پرہتھیاربرآمد

 (International Yoga Day 2024) پہلی بار 2015 میں منایا گیا تھا ’بین الاقوامی یوگا ڈے‘

‘بین الاقوامی یوگا ڈے’ پہلی بار سال 2015 میں منایا گیا تھا۔ یوگا ڈے پر، ہندوستان کے ساتھ ساتھ دنیا بھر سے لوگ اکٹھے ہوتے ہیں اور یوگا کرتے ہیں۔

بھارت ایکسپریس۔