Sonia Gandhi’s Letter: کانگریس کی سابق صدر اور رائے بریلی سے لوک سبھا کی رکن سونیا گاندھی (Sonial Gandhi Letter To Raebareli) اب راجیہ سبھا جانے کے لیے تیار ہیں۔ وہ راجستھان سے راجیہ سبھا جا رہی ہیں، اس لیے یہ واضح ہے کہ وہ اب لوک سبھا الیکشن نہیں لڑیں گی۔ سونیا گاندھی کا رائے بریلی سے 20 سال پرانا رشتہ ٹوٹنے والا ہے جس کی وجہ سے وہ جذباتی ہوگئیں۔ تاہم اگر ہم کانگریس کی بات کریں تو رائے بریلی کے ساتھ پارٹی کا رشتہ تقریباً 8 دہائیوں پرانا ہے۔ سونیا گاندھی پہلی بار 2004 میں رائے بریلی سے جیت کر لوک سبھا پہنچی تھیں۔ لیکن بڑھتی عمر اور صحت کا حوالہ دیتے ہوئے انہوں نے رائے بریلی سے الیکشن نہ لڑنے کا فیصلہ کیا ہے۔ سونیا گاندھی کے لیے یہ فیصلہ کتنا مشکل تھا، اس کا ذکر انہوں نے رائے بریلی کے لوگوں کے نام اپنے جذباتی خط میں کیا ہے۔
“رائے بریلی میرے پاس قسمت کی طرح آئی”
سونیا گاندھی نے اپنے خط میں کہا کہ ان کا خاندان رائے بریلی کے بغیر ادھورا ہے۔ سونیا گاندھی نے لکھا کہ ’’یہ خوش قسمتی تھی کہ مجھے اپنے سسرال سے رائے بریلی ملی‘‘۔ جب وہ اپنے شوہر راجیو گاندھی اور ساس اندرا گاندھی کو کھونے کے بعد رائے بریلی آئیں تو یہاں کے لوگوں نے ان کی حمایت کی۔
” آج جو کچھ بھی ہوں آپ کی وجہ سے ہوں”
سونیا گاندھی نے لکھا، “میں یہ کبھی نہیں بھول سکتی کہ آپ پچھلے دو انتخابات میں مشکل حالات میں بھی چٹان کی طرح میرے ساتھ کھڑے رہے۔ مجھے یہ کہتے ہوئے فخر ہے کہ میں آج جو کچھ بھی ہوں آپ کی وجہ سے ہوں۔ میں نے اس اعتماد کو پورا کرنے کے لیے ہر قدم پر کوشش کی ہے۔”
یہ بھی پڑھیں- Electoral Bond Scheme: الیکٹورل بانڈ اسکیم پر فل سٹاپ،یہاں جانئے سپریم کورٹ نے کیا کہا؟
“میرے گھر والوں کا بھی خیال رکھنا”
کانگریس لیڈر نے رائے بریلی کے لوگوں سے کہا کہ بڑھتی عمر اور صحت سے متعلق وجوہات کی وجہ سے وہ آئندہ لوک سبھا الیکشن نہیں لڑ سکیں گی۔ اب انہیں یہاں کی عوام کی براہ راست خدمت کا موقع نہیں ملے گا۔ لیکن ان کا دل اور روح ہمیشہ یہیں رہے گا۔اس کے ساتھ ہی سونیا گاندھی نے رائے بریلی کے لوگوں پر بھروسہ ظاہر کیا اور کہا کہ وہ ان کے خاندان کا بھی اسی طرح خیال رکھیں گے جس طرح اب تک ان کا خیال رکھا ہے۔ اس کے ساتھ ہی انہوں نے رائے بریلی کے لوگوں سے جلد ملنے کا وعدہ بھی کیا۔
-بھارت ایکسپریس
راج یوگی برہما کماراوم پرکاش ’بھائی جی‘ برہما کماریج سنستھا کے میڈیا ڈویژن کے سابق…
پارلیمنٹ میں احتجاج کے دوران این ڈی اے اور انڈیا الائنس کے ممبران پارلیمنٹ کے…
این سی پی لیڈرچھگن بھجبل کی وزیراعلیٰ دیویندرفڑنویس سے ملاقات سے متعلق قیاس آرائیاں تیزہوگئی…
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…