PM Surya Ghar Yojna and Adani Foundation: سولر روف سے روشن ہوگا ہندوستان کا مستقبل، اڈانی فاؤنڈیشن امیٹھی میں ایک ماڈل سولر ویلج بنانے میں ادا کر رہا ہے اہم کردار

’’پردھان منتری سوریہ گھر مفت بجلی‘‘ اسکیم اور اڈانی فاؤنڈیشن کی مشترکہ پہل کے تحت اڈانی گروپ کے اے سی سی سیمنٹ پلانٹ کے سی ایس آر فنڈ اور سرکاری سبسڈی سے حاصل ہونے والے 15,000 روپے فی کس رقم کی مدد سے گاؤں والوں کے گھروں میں سولر پلانٹ لگائے جا رہے ہیں۔ واضح رہے کہ ملک اب توانائی کے شعبے میں میں خود کفالت کی طرف ایک بڑا قدم اٹھا رہا ہے۔ اس سلسلے میں ’’پردھان منتری سوریہ گھر مفت بجلی یوجنا‘‘ کے تحت ایک کروڑ گھروں کی چھتوں پر سولر پینل لگائے جائیں گے، جو ہر ماہ 300 یونٹ تک مفت اور سستی بجلی فراہم کریں گے۔

اس اقدام سے نہ صرف گھریلو اخراجات کم ہوں گے بلکہ ماحولیاتی تحفظ اور صاف توانائی کو بھی فروغ ملے گا۔ اس اسکیم کے ساتھ 2026-27 تک ملک میں 30 گیگاواٹ روف ٹاپ سولر صلاحیت کا ہدف مقرر کیا گیا ہے۔ سولر پینلز کی تنصیب سے مقامی نوجوانوں کے لیے روزگار کے مواقع بھی بڑھیں گے۔ وہیں ’’ماڈل سولر ولیج‘‘ جیسے تجربات گاؤں دیہاتوں کو کو مکمل طور پر شمسی توانائی پر مبنی بنا کر پورے ملک کے لیے ایک مثال قائم کر رہے ہیں۔ پی ایم سوریہ گھر مفت بجلی یوجنا ہرے بھرے، آتم نربھر اور روشن بھارت کی سمت ایک فیصلہ کن پہل ہے۔

اڈانی فاؤنڈیشن: ہر گاؤں میں سولر انقلاب لانے کے لیے پرعزم

اڈانی گروپ کے اے سی سی سیمنٹ پلانٹ کے سی ایس آر فنڈ اور حکومت کی سبسڈی سے حاصل ہونے والے ₹ 15 ہزار فی کس مدد سے گاؤں والوں کے گھروں میں سولر پلانٹ لگائے جا رہے ہیں۔ اڈانی فاؤنڈیشن نے گھر گھر جا کر اس اسکیم کے فوائد بتائے، جس کے بعد اب تک قریبی دیہاتوں میں 90 گھروں میں سولر پینل لگائے جا چکے ہیں۔ اڈانی فاؤنڈیشن زمینی سطح پر اس اسکیم کو نافذ کرنے میں اہم کردار ادا کر رہی ہے۔

فاؤنڈیشن کی ٹیم سب سے پہلے اس اسکیم فائدہ اٹھانے والوں کی فہرست تیار کرتی ہے۔ پھر وہ ضلعی انتظامیہ کے ساتھ رابطہ قائم کرتی ہے اور فائدہ اٹھانے والوں کو قومی پورٹل پر رجسٹر کرتی ہے۔ اس کے بعد چھت کا معائنہ کرنے کے لیے گھر پہنچ کر دستاویزات جمع کیے جاتے ہیں اور سولر سسٹم انسٹال کیا جاتا ہے۔

ایک نئی روشنی کا آغاز

پی ایم سوریہ گھر مفت بجلی یوجنا کا مقصد ہر عام شہری کو بجلی کی پیداوار میں شراکت دار بنانا ہے۔ اسکیم کے تحت 1 سے 6 کلو واٹ تک کے سولر پینل سبسڈی کے ساتھ لگائے جا رہے ہیں۔ اس سے نہ صرف گھریلو ضروریات پوری ہوتی ہیں بلکہ گرڈ کو اضافی بجلی بیچ کر آمدنی بھی ہوتی ہے۔ فرض کریں کہ ایک فائدہ اٹھانے والے نے 1 کلو واٹ کا سولر پلانٹ لگایا ہے جس کی قیمت تقریباً 65 ہزار روپے ہے۔ اس میں حکومت کی سبسڈی ₹ 45 ہزار ہے اور اڈانی فاؤنڈیشن کا تعاون ₹ 15 ہزار ہے۔ ایسی صورت حال میں فائدہ اٹھانے والے کا خرچ صرف 5 ہزار روپے ہے۔

سولر اینرجی: ایک بڑی تبدیلی

شمسی توانائی میں بے پناہ صلاحیت موجود ہے۔ یہ نہ صرف صاف ہے، بلکہ یہ سستی بھی ہے۔ آج جہاں کوئلہ، تیل اور گیس کی قیمتیں عالمی سیاست پر اثر انداز ہیں، وہیں سورج ہر روز مفت میں طلوع ہوتا ہے۔ ورلڈ اکنامک فورم کی رپورٹ کے مطابق اگلی دہائی میں شمسی توانائی کی قیمت میں 20 سے 25 فیصد تک کمی واقع ہو گی۔ ایسی صورت حال میں یہ مستقبل میں توانائی کا سب سے سستا اور قابل رسائی ذریعہ بن جائے گا۔ اس اسکیم کا سب سے زیادہ اثر گاؤں میں نظر آرہا ہے۔ جہاں پہلے بجلی کی کمی تھی اب وہاں بجلی کی پیداوار ہو رہی ہے۔ اتر پردیش کے للت پور ضلع کے بار گاؤں کے رہنے والے رامیشور سنگھ نے 3 کلو واٹ کا پلانٹ لگایا۔ وہ کہتے ہیں ’’پہلے ہم بجلی کے بل اور جنریٹر دونوں کی فکر کرتے تھے۔ اب ہمارے پاس ہر ماہ بجلی ہے اور 2500 روپے بھی کماتے ہیں۔‘‘

بھارت ایکسپریس اردو