Karnataka Politics Update: وزیر اعلیٰ کے عہدے سے استعفیٰ دینے کے بعد راہل گاندھی سے ملے سدارمیا، راجیہ سبھا آفر پر بتائی اپنی حکمت عملی

نئی دہلی :کرناٹک کے گورنر تھاور چند گہلوت نے سدارمیا کا استعفیٰ منظور کر لیا ہے، جس کے بعد ریاست میں نئی حکومت کی تشکیل کی سرگرمیاں تیز ہو گئی ہیں۔ اسی دوران سدارمیا بنگلورو سے جے پور کے راستے دہلی پہنچے، جہاں انہوں نے کانگریس لیڈر راہل گاندھی سے ملاقات کی۔ذرائع کے مطابق اس ملاقات کے دوران سدارمیا نے کانگریس قیادت کے سامنے اپنی سیاسی خواہشات واضح کر دیں۔ انہوں نے صاف طور پر کہا کہ ان کی مرکزی سیاست میں آنے کی کوئی دلچسپی نہیں ہے اور وہ ریاستی سیاست میں ہی سرگرم رہنا چاہتے ہیں۔اس کے ساتھ ہی سدارمیا نے راہل گاندھی کو راجیہ سبھا انتخابات کے لیے اپنے پسندیدہ امیدوار کے نام سے بھی آگاہ کیا۔

بیٹے کے لیے اہم محکموں کی مانگ

کئی میڈیا رپورٹس کے مطابق سدارمیا نے راہل گاندھی کے ساتھ ملاقات کے بعد اپنے بیٹے یتیندر سدارمیا کے لیے اہم وزارتوں کی مانگ بھی رکھی ہے۔ذرائع کا کہنا ہے کہ انہوں نے یتیندر کے لیے میڈیکل ایجوکیشن اور پسماندہ طبقات کی فلاح و بہبود کی وزارت، صنعت کا محکمہ یا پھر آبی وسائل کی وزارت دینے کی خواہش ظاہر کی ہے۔

कर्नाटक के निवर्तमान मुख्यमंत्री सिद्धारमैया ने ट्वीट किया, “आज दिल्ली में, मैंने कांग्रेस के वरिष्ठ नेता राहुल गांधी और AICC अध्यक्ष मल्लिकार्जुन खरगे से मुलाकात की और चर्चा की। इस दौरान विधायक के.जे. जॉर्ज, प्रियांक खड़गे और डॉ. यतींद्र सिद्धारमैया मेरे साथ थे।” pic.twitter.com/PInJbAmNPy

— ANI_HindiNews (@AHindinews) May 29, 2026

ملیکارجن کھڑگے سے بھی ملاقات

دہلی پہنچنے کے بعد سدارمیا نے کانگریس صدر ملیکارجن کھڑگے سے بھی ملاقات کی۔ اس ملاقات کی ایک تصویر سوشل میڈیا پر تیزی سے وائرل ہو رہی ہے، جس میں کھڑگے سدارمیا کے کندھے پر ہاتھ رکھے نظر آ رہے ہیں۔ادھر ریاست میں نئی حکومت کی تشکیل کے حوالے سے تین نائب وزرائے اعلیٰ بنانے کی قیاس آرائیاں بھی جاری ہیں۔ پارٹی مبصرین کا ماننا ہے کہ ’اہندا‘ ووٹ بینک کو مضبوط رکھنے کے لیے کانگریس او بی سی اور دلت برادریوں کو اقتدار میں بڑی شراکت دے سکتی ہے۔

ڈپٹی سی ایم کی دوڑ میں کئی نام شامل

سیاسی حلقوں میں یہ بھی چہ مگوئیاں ہیں کہ کانگریس صدر کے بیٹے پریانک کھڑگے کو نائب وزیر اعلیٰ بنایا جا سکتا ہے۔ اس کے علاوہ ستیش جارکی ہولی اور ایم بی پاٹل کے نام بھی ڈپٹی سی ایم کی دوڑ میں شامل بتائے جا رہے ہیں۔

ستیش جارکی ہولی کو ملا بڑا آفر

کانگریس تنظیم کے جنرل سکریٹری اور رکن پارلیمنٹ کے سی وینوگوپال نے بدلتے سیاسی حالات کے درمیان ستیش جارکیہولی سے فون پر بات کی۔ذرائع کے مطابق وینوگوپال نے واضح کیا کہ کانگریس پارٹی ’ایک شخص، ایک عہدہ‘ کے فارمولے پر عمل کرتی ہے۔ انہوں نے ستیش جارکی ہولی سے کہا کہ وہ یا تو کابینہ وزیر بنیں یا پھر ریاستی کانگریس صدر کا عہدہ سنبھالیں۔اس پر ستیش جارکی ہولی نے کہا کہ وہ اس معاملے پر پہلے سدارمیا سے مشورہ کریں گے، اس کے بعد ہی کوئی حتمی فیصلہ لیا جائے گا۔

بھارت ایکسپریس اردو