Shiv Sena Election Symbol Controversy: شیوسینا کے انتخابی نشان پرسپریم کورٹ میں ہوگی سماعت، ادھوٹھاکرے نے دیا کارپوریشن الیکشن کا حوالہ

کپل سبل نے عدالت کوبتایا کہ وہ ریاست میں بلدیاتی انتخابات کے پیش نظرمعاملے کا جلدازجلد حل چاہتے ہیں۔ شندے کیمپ کی طرف سے پیش ہونے والے سینئروکیل نیرج کشن کول نے کہا کہ عدالت پہلے ہی اس معاملے کی فوری سماعت سے انکارکرچکی ہے۔ کپل سبل نے کہا کہ 2023 میں اسمبلی میں اکثریت کی بنیاد پرپارٹی کا انتخابی نشان شندے گروپ کو سونپنے کا اسپیکرکا فیصلہ سپریم کورٹ کی آئینی بنچ کے فیصلے کے خلاف ہے۔

ادھوگروپ نے داخل کی تھی عرضی

سات مئی کوسپریم کورٹ نے ٹھاکرے کی قیادت والے گروپ کوبلدیاتی انتخابات پرتوجہ مرکوزکرنے کوکہا تھا۔ پارٹی نے تب مہاراشٹر اسمبلی کے اسپیکرکے فیصلے کے خلاف اپنی درخواست پرفوری سماعت کی درخواست کی تھی۔ اس کے بعد عدالت عظمیٰ نے کہا کہ کیس کی سماعت گرمیوں کی چھٹیوں کے بعد ہوگی۔

اسمبلی اسپیکرنے شیوسینا (یوبی ٹی) کی عرضی کوکردیا تھا مسترد

مہاراشٹر اسمبلی کے اسپیکرراہل نارویکرنے 10 جنوری 2024 کوشیو سینا (یوبی ٹی) کی درخواست کومسترد کردیا تھا، جس میں شندے سمیت حکمراں خیمہ کے 16 اراکین اسمبلی کونااہل قراردینے کی درخواست کی گئی تھی۔ سپریم کورٹ میں اسمبلی اسپیکرکے ذریعہ منظور کردہ احکامات کوچیلنج کرتے ہوئے، ٹھاکرے کی قیادت والے گروپ  نے دعویٰ کیا کہ وہ واضح طورپرغیرقانونی تھے۔ انہوں نے منحرف ہونے والوں کوسزا دینے کے بجائے یہ کہہ کرنوازا کہ وہ اصل سیاسی جماعت ہیں۔ عرضی میں دعویٰ کیا گیا کہ اسمبلی اسپیکرنے شیوسینا کی سیاسی جماعت کی مرضی کی نمائندگی کرنے والے شیوسینا اراکین اسمبلی کی اکثریت کے ساتھ سلوک کرنے میں غلطی کی۔ نااہلی کی درخواستوں پراپنے فیصلے میں، اسمبلی اسپیکرنے دونوں حریف کیمپوں سے کسی بھی اراکین اسمبلی کونااہل قرارنہیں دیا تھا۔