Eid-ul-Adha 2025: سنبھل میں عید الاضحی کی ادا کی گئی نماز، امن اور بھائی چارے کی مانگی گئی دعا

سنبھل: اترپردیش کے سنبھل میں ہفتہ کے روز عید الاضحی کی نماز ادا کی گئی۔ سینکڑوں مسلمان نماز ادا کرنے کے لیے عید گاہ پہنچے۔ اس دوران انتظامیہ کی جانب سے عیدگاہ کے احاطے میں خصوصی انتظامات کیے گئے تھے۔ نماز کے بعد لوگوں کا کہنا تھا کہ اس بار انتظامیہ کے انتظامات پہلے سے بہت بہتر ہیں۔ صفائی، پینے کے پانی اور سیکورٹی کے سخت انتظامات کئے گئے تھے۔

عیدگاہ کے امام مولانا محمد ظہیر الاسلام نے کہا کہ ہمارے ملک میں امن اور ہم آہنگی برقرار رہے، بھائی چارہ قائم رہے اور کسی قسم کا جھگڑا نہیں ہونا چاہیے، انتظامیہ نے بھرپور تعاون کیا اور شہر میں نظام کو درست رکھا، جس کی وجہ سے کسی قسم کی پریشانی نہیں ہوئی۔

نماز کے بعد ملک میں امن، بھائی چارے اور خوشحالی کے لیے خصوصی دعائیں کی گئیں۔ عید کے موقع پر شہر میں خوشگوار ماحول دیکھا گیا۔

نمازیوں نے انتظامیہ کی طرف سے کئے گئے انتظامات کی بھی تعریف کی۔ ایک نمازی نے کہا، ’’انتظامات بہت اچھے تھے۔ ہم نے ملک میں امن اور بھائی چارے کے لیے دعا کی۔ ہم چاہتے ہیں کہ سب اچھے رہیں اور کسی کو کسی قسم کی پریشانی کا سامنا نہ کرنا پڑے۔‘‘

حالانکہ، بعض نمازیوں نے ایک کمی کا ذکر کیا۔ ایک نمازی نے کہا کہ سب کچھ اچھا تھا، لیکن اس بار مائیک کا استعمال نہیں کیا گیا، شاید اس کے لیے اجازت نہیں دی گئی، پھر بھی ہم نے ملک میں امن، ہم آہنگی اور بھائی چارے کے لیے دعا کی، ہم چاہتے ہیں کہ سبھی لوگ ایک دوسرے کے ساتھ ہم آہنگی سے رہیں۔‘‘

محمد شان نامی ایک نمازی نے کہا، ’’ہماری کمیونٹی عزت اور سلامتی کے ساتھ رہے، کسی کو کوئی پریشانی نہ ہو، بس یہی ہماری دعا ہے۔‘‘ ایک اور نمازی نے کہا، ’’ہم نے بہت اچھے طریقے سے نماز ادا کی۔ ملک میں بھائی چارہ بنا رہے، اس کے لیے ہم نے خاص دعا کی۔‘‘

بھارت ایکسپریس۔