Umesh Pal Murder Case: پولیس کی گرفت میں آیا صداقت خان، ہاسٹل میں رہ کر رچی تھی قتل کی سازش، کمرے سے قابل اعتراض اشیاء برآمد

Umesh Pal murder case: امیش پال قتل سانحہ معاملے میں پولیس کو ایک اور بڑی کامیابی ہاتھ لگی ہے۔ ایس ٹی ایف کی ٹیم نے اس معاملے میں ایل ایل بی کے ایک طالب علم صداقت خان کو گرفتار کیا ہے۔ یہ شخص الہ آباد سینٹرل یونیورسٹی کے ہاسٹل میں رہتا تھا۔ اس پر ہمیشہ قتل سانحہ میں سازش کرنے کا الزام لگا ہے۔ خبروں کے مطابق، امیش پال کے قتل کی سازش بھی ہاسٹل کے کمرے میں ہی رچی گئی تھی۔

پولیس کے مطابق، اسی ہاسٹل میں رکن اسمبلی راجو پال کے قتل  کے اہم گواہ امیش پال کے قتل کی سازش کی گئی تھی۔ واضح رہے کہ پولیس نے اس قتل سانحہ میں شامل تمام ملزمین پرانعام کا اعلان کردیا ہے اور بڑے پیمانے پرچھاپہ ماری کی جا رہی ہے۔۔

غیر قانونی طریقے سے ہاسٹل میں رہتا تھا صداقت

یہ بھی بتایا جا رہا ہے کہ صداقت خان غیر قانونی طریقے سے الہ آباد سینٹرل یونیورسٹی کے مسلم ہاسٹل میں رہ رہا تھا۔ پولیس کو اس کے کمرے سے کئی قابل اعتراض چیزیں ملی ہیں۔ اس کے علاوہ پولیس کو مسلم ہاسٹل کے کمرے میں سازش کا حادثہ کرنے اور سازش کرنے کے بارے میں بھی اہم سراغ ملے ہیں۔ ملزم صداقت خان نے ہاسٹل کمرے کی تلاشی کے بعد ایس ٹی ایف کے قبضے سے بھاگنے کی کوشش کی تھی، لیکن وہ بھاگنے کے چکر میں ڈیوائیڈر سے ٹکرا کر گرگیا، جس کے سبب اسے سنگین چوٹیں آئیں اور اسے علاج کے لئے ایس آراین اسپتال میں داخل کرایا گیا ہے۔ صداقت خان بنیادی طور پر غازی پور ضلع کے گہمر تھانہ علاقے کے بارا گاؤں کا رہنے والا ہے۔

ایف آئی آر میں صداقت خان نامزد نہیں

پولیس کمشنر رمت شرما کے مطابق، اب تک کی کارروائی میں ایک ملزم صداقت خان ہی گرفتار ہوا ہے۔ حالانکہ ایف آئی آر میں صداقت خان نامزد نہیں ہے۔ صداقت خان کے مجرمانہ ریکارڈ کے بارے میں پولیس پتہ لگا رہی ہے۔ پولیس کمشنرکے مطابق، ایف آئی آر میں نامزد ملزمین کے اوپر انعام کا اعلان کیا گیا ہے۔ ان کے مطابق، 10 ٹیمیں ملزمین کو گرفتار کرنے کے لئے مسلسل چھاپہ ماری کر رہی ہیں۔