Bihar Election 2025: بہارمیں انتخاب جیتنے کے بعد خواتین کو ہر ماہ 2500 روپے دیں گے ، تیجسوی یادو نے کیا اعلان

نئی دہلی: انتخابات میں خواتین ووٹرز کو راغب کرنے کے لیے نئی اسکیموں کا اعلان کیا جا رہا ہے۔ اسی سلسلے میں اگلے سال بہار میں ہونے والے اسمبلی انتخابات کے پیش نظر تیجسوی یادو نے خواتین ووٹروں کو راغب کرنے کے لیے ‘مائی بہن مان یوجنا’ کا اعلان کیا ہے۔ تیجسوی نے کہا کہ اگر وہ اقتدار میں آتے ہیں تو اس اسکیم کے تحت خواتین کو ہر ماہ 2500 روپے دیئے جائیں گے۔ یہ پہلا موقع نہیں ہے جب آر جے ڈی لیڈر تیجسوی یادو نے ووٹروں کے لیے کوئی اعلان کیا ہو۔ اس سے قبل انہوں نے بہار میں صارفین کو ‘200 یونٹ مفت بجلی’ فراہم کرنے کا وعدہ کیا تھا۔

دربھنگہ میں خواتین کے لیے اسکیم کا اعلان کرتے ہوئے تیجسوی یادو نے کہا، “اگر ریاست میں ہماری حکومت بنتی ہے، تو ہم ‘مائی بہن مان یوجنا’ شروع کریں گے۔ مائی بہن مان یوجنا کے تحت، ہم معاشی طور پر کمزور ماؤں اور بہنوں کو مالی مدد فراہم کریں گے۔ حکومت بنتے ہی ہم ایک ماہ کے اندر اس اسکیم کو شروع کر دیں گے۔

تیجسوی نے کہا کہ ہم مسلسل سفر کر رہے ہیں اور اپنے کارکنوں سے تمام معلومات حاصل کر رہے ہیں۔ عوام بے روزگاری اور مہنگائی سے نبرد آزما ہیں۔ ہم نے حکومت کی کوتاہیوں کو بے نقاب کرنے کا کام کیا ہے۔ ہم کرپشن کے خلاف مسلسل آواز اٹھا رہے ہیں۔ ڈپٹی چیف منسٹر رہتے ہوئے میں نے پانچ لاکھ لوگوں کو نوکریاں دیں۔ 3.5 لاکھ نوکریوں کے دروازے کھول دیے۔ اب آدھی آبادی کو عزت دینا ہو گی اور ہم سماجی انصاف کے ساتھ معاشی انصاف بھی کریں گے۔

آر جے ڈی لیڈر تیجسوی یادو نے کہا کہ ہماری عمر کچی ہونے کے باوجود ہماری زبان کچی نہیں ہے۔ ہم جو کر سکتے ہیں کریں گے، ہمیں ایک موقع دیں۔ ہم رات بھر گھومتے رہے اور نظام کو درست کیا۔ آج نیتی آیوگ کی رپورٹ دیکھیں اور دیکھیں کہ آج بھی بہار نقل مکانی میں پہلے نمبر پر ہے۔ بے روزگاری میں پہلے نمبر پر۔ ہم محنت کش لوگ ہیں اور ہمارے پاس ایک وژن ہے، ایک روڈ میپ ہے۔ ہم بہار میں 5 ہزار کروڑ روپے کی سرمایہ کاری لائے تھے۔ ہم متھیلانچل اور سیمانچل کے لیے الگ کمیشن بنائیں گے تاکہ اس علاقے کو ترقی دی جا سکے۔