NEET-UG Exam 2024 Row : ‘بہار کے نائب وزیر اعلی سے کیا ہے اہم ملزم کا رشتہ ؟’، نیٹ پیپر لیک معاملہ کو لےکر آر جے ڈی کا سمراٹ چودھری پر حملہ

پچھلے کچھ دنوں سے نیٹ پیپر لیک سے جڑا معاملہ سرخیوں میں ہے۔ ان کیسز کا معاملہ 6 ریاستوں سے جڑی ہوئی معلوم ہوتی ہے۔ اس دوران سی بی آئی نے نیٹ یو جی پیپر لیک  کو لے کر ایف آئی آر درج کی ہے ۔ دوسری جانب سیاسی حلقوں میں الزامات اور جوابی الزامات کا دور بھی شروع ہو گیا ہے۔ راشٹریہ جنتا دل نے بہار کے ڈپٹی سی ایم سمراٹ چودھری پر الزام لگاتے ہوئے کچھ سوال اٹھائے ہیں۔

سمراٹ چوہدری نے تصاویر کیوں ڈیلیٹ کیں؟

آر جے ڈی کے سوشل میڈیا ہینڈل پر کی گئی پوسٹ میں کہا گیا ہے کہ نیٹ پیپر لیک کے دوسرے اہم ملزم امت آنند کا بہار کے نائب وزیر اعلیٰ سمراٹ چودھری سے کیا تعلق ہے؟ کیا سمراٹ چودھری نے امت آنند کو ایوارڈ دے کر صرف اس لیے اعزاز بخشا تھا کہ پیپر لیک ہونے میں ان کا غیر معمولی رول ہو؟  سمراٹ چودھری نے امیت آنند کے ساتھ اپنی تصاویر سوشل میڈیا سے کیوں ڈیلیٹ کیں؟

پوسٹ میں مزید کہا گیا ہے کہ امت آنند کا بی جے پی کے رکن پارلیمنٹ اور بی جے پی کے سابق ریاستی صدر سنجے جیسوال سے کیا تعلق ہے؟ امت آنند سنجے جیسوال کا دفتر سنبھالتے ہیں۔ امت آنند کی اس خاص کامیابی کو ان کے کالج نے اپنی ویب سائٹ پر ظاہر کیا ہے۔

پارٹی کی طرف سے کی گئی پوسٹ میں مزید کہا گیا ہے کہ سنجے جیسوال اور سمراٹ چودھری کو پیپر لیک کنگ پین امت آنند کے ساتھ اپنے تعلقات کو واضح کرنا چاہیے۔ کیا امت آنند جے ڈی یو کے نائب صدر کے بیٹے نہیں ہیں؟ اقتدار کے تحفظ میں اس نے اتنے کاغذات لیک کر کے کروائے لیکن اسی لیے اسے کبھی سزا نہیں ملی؟

بھارت ایکسپریس۔