Reliance Retail Fashion Factory Sale: ریلائنس رٹیل کی فیشن فیکٹری کا برانڈڈ ایکسچینج فیسٹیول، پرانے کپڑے لائیں اور نئے برانڈڈ کپڑے لے جائیں

ممبئی: کمپنیاں صارفین کوراغب کرنے کے لیے مختلف پیشکشیں لے کرآتی رہتی ہیں۔ ریلائنس ریٹیل کی مقبول فیشن منزل ‘فیشن فیکٹری’ بھی ایکسچینج فیسٹیول لے کرآئی ہے۔ فیشن فیکٹری بڑے برانڈزپربھاری رعایتوں کے لئے مشہورہے۔ 20 جولائی تک جاری رہنے والے اس ایکسچینج فیسٹیول میں صارفین برانڈڈ کپڑوں اورمصنوعات کے لیے اپنے پرانے اورغیربرانڈڈ کپڑوں کا تبادلہ کرسکیں گے۔ فیشن فیکٹری کے تمام اسٹورزپرایکسچینج فیسٹیول کا فائدہ اٹھایا جا سکتا ہے۔

ہرصارف کو ملیں گے ایکسچینج کوپن

پرانے ڈینم، شرٹس، ٹی شرٹس یا بچوں کے کپڑے لانے پرصارفین کوبدلے میں ایکسچینج کوپن دیئے جائیں گے۔ ڈینم کے لیے 400 روپئے تک، شرٹس کے لیے250 روپے تک، ٹی شرٹس کے لیے 150 روپئے تک اوربچوں کے کپڑوں کے لیے100 روپئے تک کے کوپن دستیاب ہوں گے۔ صارفین کوپن کے ذریعہ نہ صرف روزمرہ کی اشیاء خرید سکیں گے بلکہ لی، لی کوپر، جان پلیئرز، ریمنڈ، پارک ایونیو، کینو، پیٹر انگلینڈ، ایلن سولی، وان ہیوسین اورلوئس فلپ جیسے بڑے قومی اوربین الاقوامی برانڈزسے بھی خریداری کرسکیں گے۔

ریلائنس ریٹیل سے ہرکسی کو ہوگا فائدہ

صارفین کواپنی نئی خریداریوں پر50 فیصد تک کی رعایت بھی ملے گی۔ اگرآپ کی الماری بھی پرانے کپڑوں سے بھری ہوئی ہے یا آپ اپنے طرززندگی کواپ گریڈ کرنا چاہتے ہیں تویہ ایکسچینج فیسٹیول آپ کے لیے ہے۔ چاہے آپ آفس کے لیے شرٹ تلاش کررہے ہوں یا ویک اینڈ کے لیے اسٹائلش ٹی شرٹ، فیشن فیکٹری کا یہ ایکسچینج فیسٹیول آپ کو مایوس نہیں کرے گا۔