قومی

Ram Mandir Donation Case: رام مندر چڑھاوا چوری معاملے میں سپریم کورٹ نے ٹرسٹ کو جاری کیا نوٹس، ایس آئی ٹی سے مانگی رپورٹ

ایودھیا کا رام مندرچڑھاوا چوری معاملے میں اب سپریم کورٹ تک پہنچ چکا ہے۔ سپریم کورٹ نے اس معاملے پرپیر(13 جولائی) کوسماعت کرتے ہوئے رام جنم بھومی تیرتھ چھیترٹرسٹ کو نوٹس جاری کیا ہے۔ اس کے ساتھ ہی ایس آئی ٹی سے معاملے کی جانچ کی رپورٹ بھی طلب کی ہے۔ عدالت نے کہا کہ معاملے کی آئندہ سماعت آئندہ پیر(20 جولائی) کوہوگی۔

رام مندرچڑھاوا چوری معاملے کی سماعت چیف جسٹس آف انڈیا (سی جے آئی) سوریہ کانت اورجسٹس جائے مال باغچی اوروی موہنا کی بینچ نے کی۔ بینچ نے اترپردیش حکومت کے ذریعہ تشکیل کی گئی ایس آئی ٹی جانچ کی اسٹیٹس رپورٹ مانگی ہے۔ عدالت نے کہا، ’’ہم اترپردیش حکومت کے ذریعہ تشکیل کی گئی ایس آئی ٹی کواسٹیٹس رپورٹ سونپنے کا حکم دیتے ہیں۔ اس معاملے کوآگے کی سماعت کے لئے اگلے پیرکے روزلسٹ کریں اوراسٹیٹیس رپورٹ میں ایس آئی ٹی کی تشکیل کی جانکاری بھی دیں۔‘‘

سالسٹر جنرل نے عدالت سے کیا کہا؟

سماعت کے دوران ایک وکیل نے عدالت کوبتایا کہ اس معاملے کی جانچ کے لئے اترپردیش حکومت نے ایس آئی ٹی کی تشکیل کردی ہے۔ اس پرسالسٹرجنرل نے کہا کہ وہ اترپردیش حکومت کی طرف سے پیش ہورہے ہیں۔ عدالت نے پوچھا کہ کیا وہ مرکزی حکومت کی طرف سے بھی نوٹس قبول کریں گے، جس پرانہوں نے رضامندی ظاہرکی۔ حالانکہ بعد میں عدالت نے واضح کیا کہ فی الحال صرف ٹرسٹ کونوٹس جاری کیا جا رہا ہے۔ مرکزاوریوپی حکومت کوالگ سے نوٹس جاری نہیں کیا گیا۔

یہ بھی پڑھیں:  Supreme Court Proposal rejected by Hindu-Muslim Parties: سنبھل، متھرا اور گیان واپی پر سپریم کورٹ نے کہا- ثالثی سے نکالیں حل، ہندو-مسلم فریق نے کہا- سماعت ضروری

20 جولائی کو ہوگی معاملے کی آئندہ سماعت

سماعت کے دوران سالسٹرجنرل نے عدالت سے کہا کہ مرکزاوراترپردیش حکومت اس معاملے میں عدالت کی ہرممکن مدد کریں گی۔ سپریم کورٹ نے معاملے کی آئندہ سماعت اگلے پیرکے روزطے کی ہے۔ تب تک ایس آئی ٹی کواپنی اسٹیٹس رپورٹ عدالت میں پیش کرنی ہوگی۔

بھارت ایکسپریس اردو-

Nisar Ahmad

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

21 minutes ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

40 minutes ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

58 minutes ago