قومی

CM Bhajanlal Sharma Meets PM Modi: وزیر اعظم نریندر مودی سے ملے راجستھان کے وزیر اعلیٰ بھجن لال شرما، کئی امور پر ہوئی بات چیت

نئی دہلی: بھجن لال شرما، وزیر اعلیٰ راجستھان نے بدھ کے روز نئی دہلی میں نریندر مودی سے ملاقات کی۔ اس ملاقات کی اطلاع وزیر اعظم دفتر (پی ایم او) نے اپنے سوشل میڈیا ہینڈل کے ذریعے دی۔ وزیر اعظم دفتر نے سوشل میڈیا پلیٹ فارم ایکس پر پوسٹ کرتے ہوئے لکھا، ’’راجستھان کے وزیر اعلیٰ بھجن لال شرما نے آج وزیر اعظم نریندر مودی سے ملاقات کی۔‘‘

اس ملاقات کے دوران وزیر اعلیٰ بھجن لال شرما نے وزیر اعظم نریندر مودی کو دیوی درگا کی مورتی بھی بطور تحفہ پیش کی۔ انہوں نے بتایا کہ وزیر اعظم سے ملاقات کے دوران ریاست کی ترقی اور عوامی فلاحی منصوبوں سے متعلق قیمتی رہنمائی حاصل ہوئی۔

راجستھان کی ترقی پر تبادلہ خیال

وزیر اعلیٰ بھجن لال شرما نے ایکس پر اپنی پوسٹ میں لکھا، ’’آج نئی دہلی میں وزیر اعظم نریندر مودی سے ملاقات کر کے راجستھان کی ہمہ جہت ترقی اور عوامی فلاحی اسکیموں کے حوالے سے ان کی قیمتی رہنمائی حاصل کی۔ ان کی دور اندیش سوچ اور واضح ہدایات ہمیں خوشحال راجستھان کی تعمیر کی راہ دکھاتی ہیں۔‘‘

انہوں نے مزید لکھا کہ ’’وزیر اعظم کا راجستھان کی عوام کے لیے بے پناہ محبت اور ان کی دور اندیش رہنمائی ہی ہماری سب سے بڑی طاقت ہے، جس کے سہارے راجستھان ترقی کے ہر شعبے میں نئی بلندیوں کو چھو رہا ہے اور اسی جذبے کے ساتھ ترقی یافتہ راجستھان کا عزم پورا کیا جائے گا۔‘‘

چیترا نوراتری پر مبارکباد

وزیر اعلیٰ بھجن لال شرما نے چیترا نوراتری کے ساتویں دن ملک کے عوام کو مبارکباد بھی دی۔ انہوں نے کہا کہ ماں درگا کے نو روپ صرف عقیدت نہیں بلکہ طاقت، حوصلے اور خود اعتمادی کی علامت ہیں۔ انہوں نے کہا کہ اسی جذبے سے راجستھان حکومت خواتین کو بااختیار بنانے کے لیے نئے اقدامات کر رہی ہے، تاکہ ہر خاتون عزت، تحفظ اور خود کفالت کے ساتھ آگے بڑھ سکے۔

مہاراشٹر کے گورنر کی پی ایم مودی سے ملاقات

اس سے قبل مہاراشٹر کے گورنر نے بھی وزیر اعظم نریندر مودی سے ملاقات کی۔ وزیر اعظم دفتر (پی ایم او) نے سوشل میڈیا پلیٹ فارم ایکس پر پوسٹ کرتے ہوئے کہا، ’’مہاراشٹر کے گورنر جشنو دیو ورما نے وزیر اعظم نریندر مودی سے ملاقات کی۔‘‘

بھارت ایکسپریس۔

Md Hammad

Recent Posts

Virender Sehwag: ٹام لیتھم دونوں اننگز میں صفر پر آؤٹ ہوکر رقم کردی تاریخ، وریندر سہواگ کا توڑ دیا ریکارڈ

ہندوستان کے سابق جارحانہ اوپننگ بلے باز وریندر سہواگ اپنے ٹیسٹ کیریئر میں مجموعی طور…

5 minutes ago

Ghaziabad Massive Fire: غازی آباد کے پلاسٹک گودام میں بھیانک آتشزدگی، آگ بجھانے میں لگے 8 گھنٹے

فائر بریگیڈ کے مطابق آگ لگنے کی اطلاع رات 12 بج کر 33 منٹ پر…

1 hour ago

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

2 hours ago