Rain and Snow replaced by heat in India in May: ہندوستان میں مئی میں گرمی کی جگہ بارش اور برف باری ، دہلی-این سی آر میں بوندا باندی کی امید

Rain and Snow replaced by heat in India in May: ان دنوں ہندوستان کے بیشتر حصوں میں بارش ہو رہی ہے۔ بارش کے ساتھ ساتھ کئی مقامات پر اولے بھی پڑ رہے ہیں۔قابل ذکر بات یہ ہے کہ  اس کے ساتھ ہی پہاڑی ریاستوں میں برف باری کا سلسلہ جاری ہے۔ موسم کی اس تبدیلی سے عوام کو گرمی اور چلچلاتی دھوپ سے راحت  توملی ہے۔محکمہ موسمیات کے مطابق بھارت کے کئی حصوں میں اگلے دو سے تین روز تک بارش کے امکانات ہیں اور بعض مقامات پر گرج چمک کے ساتھ بارش کا بھی امکان ہے۔

   قابل ذکر با ت یہ  ہے کہ آج دہلی-این سی آر میں ہلکی بارش یا بوندا باندی ہوسکتی ہے اور آسمان عام طور پر ابر آلود رہنے کی توقع ہے۔ ہندوستان کے محکمہ موسمیات (آئی ایم ڈی) کے مطابق، دہلی میں زیادہ سے زیادہ درجہ حرارت 37 ڈگری سیلسیس اور کم سے کم درجہ حرارت 21 ڈگری سیلسیس  بنے رہنے کا امکان ہے۔ دہلی میں 6 مئی کو زیادہ سے زیادہ درجہ حرارت 35.1 ڈگری سیلسیس ریکارڈ کیا گیا تھا۔ جو معمول سے 4 ڈگری سیلسیس کم تھا۔ جب کہ  دہلی میں کم سے کم درجہ حرارت 21 ڈگری سیلسیس ریکارڈ کیا گیا۔ جو کہ معمول سے 4 ڈگری سیلسیس کم تھا۔ آئی ایم ڈی کے مطابق، اتر پردیش کے بیشتر حصوں میں آج موسم خشک رہنے کا امکان ہے۔

ہماچل پردیش اور اتراکھنڈ میں کے مقامات پرژالہ باری کا امکان

محکمہ موسمیات کے مطابق 7 مئی کو ہماچل پردیش اور اتراکھنڈ میں مختلف مقامات پرژالہ باری کا امکان ہے۔ جموں و کشمیر، لداخ، پنجاب، ذیلی ہمالیہ کے مختلف مقامات پر گرج چمک کے ساتھ بارش کا امکان ہے۔ مغربی بنگال اور سکم،گجرات، تمل ناڈو، پڈوچیری اور ، کیرالہ ۔ قابل ذکر با ت یہ ہے کہ  اس کے ساتھ ہی خلیج بنگال میں ایک طوفان زور پکڑ رہا ہے۔ آئی ایم ڈی نے جنوب مشرقی خلیج بنگال اور انڈمان اور نکوبار جزائر اور بحیرہ انڈمان کے ملحقہ علاقوں میں طوفانی موسم کی پیش گوئی کی ہے۔ ماہی گیروں کو مشورہ دیا گیا ہے کہ وہ ان علاقوں میں جانے سے گریز کریں۔

خلیج بنگال میں طوفانی طوفان کا امکان

خلیج بنگال میں 9 مئی کے آس پاس ایک طوفان کا امکان بنا ہوا ہے۔ اس کی مسلسل نگرانی کی جا رہی ہے۔ آئی ایم ڈی نے 8-12 مئی کے دوران جزائر انڈمان اور نکوبار میں زیادہ تر مقامات پر درمیانی بارش ہونے کی امید بنی ہوئی ہے۔ 8-11 مئی کے دوران الگ تھلگ مقامات پر تیز بارش اور 10 مئی کو اسی طرح کے علاقوں میں کافی تیز بارش کی پیش گوئی کی ہے ۔ ماہی گیروں کومشورہ دیا گیا ہے کہ وہ 7 مئی سے جنوب مشرقی خلیج بنگال اور ملحقہ انڈمان سمندر میں اور 9 مئی سے جنوب مشرق اور ملحقہ وسطی خلیج بنگال میں نہ جائیں۔