Make in India’ boosting rail exports: میک ان انڈیا سے ریل کی برآمدات میں اضافہ، آسٹریلیا اور برطانیہ بھیجی گئیں کوچز اور بوگیاں

نئی دہلی: ریلوے کے وزیر اشونی ویشنو نے وڈودرا میں السٹوم کے کوچ مینوفیکچرنگ یونٹ کا دورہ کیا، جہاں ہندوستانی اور بین الاقوامی راستوں کے لیے میٹرو اور انٹرسٹی ٹرین کے ڈبے بنائے جا رہے ہیں۔ انہوں نے ‘میک ان انڈیا، میک فار دی ورلڈ’ ویژن کے تحت ہندوستان کی بڑھتی ہوئی ریل برآمدات پر روشنی ڈالی، جس میں آسٹریلیا، کینیڈا، برطانیہ، سعودی عرب اور فرانس سمیت ممالک کو کوچز اور پرزے بھیجے جا رہے ہیں۔

ریلوے کے وزیر اشونی وشنو نے کہا کہ ہندوستان ’میک ان انڈیا، میک فار دی ورلڈ‘ نقطہ نظر کے تحت بوگیوں، کوچوں، انجنوں اور آپریٹنگ سسٹم کے ایک بڑے برآمد کنندہ کے طور پر ابھر رہا ہے۔ انہوں نے بتایا کہ یہ آسٹریلیا، کینیڈا، فرانس، برطانیہ، سعودی عرب جیسے ممالک کو برآمد کیے گئے ہیں۔ اس سے ہندوستان میں روزگار کے مواقع بڑھ رہے ہیں اور انجینئر بین الاقوامی معیار میں مہارت حاصل کر رہے ہیں۔

انہوں نے کہا کہ ہندوستان میں تیار ہونے والی میٹرو کوچز آسٹریلیا اور کینیڈا کو برآمد کی گئی ہیں جبکہ بوگیاں برطانیہ، سعودی عرب، فرانس اور آسٹریلیا کو بھیجی گئی ہیں۔ ہندوستان میں تیار کردہ پروپلشن سسٹم فرانس، میکسیکو، رومانیہ، اسپین، جرمنی اور اٹلی کو فراہم کیے گئے ہیں۔

انہوں نے بتایا کہ بھارت میں بننے والی میٹرو کوچز آسٹریلیا اور کینیڈا کو برآمد کی گئی ہیں جبکہ بوگیاں برطانیہ، سعودی عرب، فرانس اور آسٹریلیا کو بھیجی گئی ہیں۔ ہندوستان میں تیار کردہ پروپلشن سسٹم فرانس، میکسیکو، رومانیہ، اسپین، جرمنی اور اٹلی کو فراہم کیے گئے ہیں۔ اسی طرح ہندوستان میں بنائے گئے مسافر کوچ اور لوکوموٹیوز موزمبیق، بنگلہ دیش اور سری لنکا کو برآمد کیے گئے ہیں۔

ریل کے اجزاء کی برآمد روزگار کے مواقع

ویشنو نے کہا کہ کئی ممالک کو ریل کے پرزہ جات کی برآمد سے ہندوستان میں روزگار کے مواقع پیدا ہو رہے ہیں۔ وزیر نے یہ بھی کہا کہ ہندوستانی انجینئرز اور کارکنان اب بین الاقوامی معیارات میں مہارت حاصل کر رہے ہیں، جسے انہوں نے ’میک ان انڈیا‘ مشن کی ایک بڑی کامیابی قرار دیا۔ انہوں نے السٹوم کی تعریف کرتے ہوئے کہا کہ یہ ہر آرڈر کو ایک خاص طریقے سے حل کرتا ہے، جسے ہندوستانی ریلوے بھی اپنا سکتا ہے۔ اس کے علاوہ، انہوں نے گتی شکتی یونیورسٹی کے ساتھ مل کر ایک مشترکہ تربیتی پروگرام شروع کرنے کی تجویز پیش کی۔

بھارت ایکسپریس۔