Lok Sabha Elections 2024: راہل گاندھی آج کیرلہ کی وائناڈ سیٹ سے داخل کریں گے پرچہ نامزدگی، بہن پرینکا کے ساتھ کر رہے ہیں روڈ شو

Lok Sabha Elections 2024: کانگریس کے رکن پارلیمنٹ راہل گاندھی نامزدگی داخل کرنے سے پہلے وائناڈ میں روڈ شو کر رہے ہیں۔ راہل گاندھی کے ساتھ پرینکا گاندھی سمیت کانگریس کے کئی سینئر لیڈر بھی موجود ہیں۔ انہوں نے کلپٹہ سے روڈ شو کا آغاز کیا۔ آل انڈیا کانگریس کمیٹی (اے آئی سی سی) کے جنرل سکریٹریز کے سی وینوگوپال اور دیپا داس، اے آئی سی سی کے طلبہ ونگ نیشنل اسٹوڈنٹس یونین آف انڈیا (این ایس یو آئی) کے انچارج کنہیا کمار، ریاستی اسمبلی میں اپوزیشن وی ڈی ستیشن اور کے پی سی سی (کیرلہ پردیش کانگریس کمیٹی) کے ورکنگ صدر  ایم ایم حسن بھی روڈ شو میں شامل ہیں۔

دوپہر کے بعد داخل کریں گے پرچہ نامزدگی

پارٹی نے کہا کہ روڈ شو یہاں سول اسٹیشن کے قریب دوپہر میں ختم ہوگا جس کے بعد راہل اپنے کاغذات نامزدگی ضلع مجسٹریٹ کے پاس جمع کریں گے۔ کانگریس لیڈر راہل گاندھی نے 2019 کے لوک سبھا انتخابات میں کل 10,92,197 ووٹوں میں سے 7,06,367 ووٹ حاصل کیے تھے، جب کہ ان کے قریب ترین حریف کمیونسٹ پارٹی آف انڈیا کے پی پی سنیر کو صرف 2,74,597 ووٹ ملے تھے۔ کیرلہ میں اس سال لوک سبھا انتخابات کے لیے ووٹنگ 26 اپریل کو ہوگی۔

راہل گاندھی وائناڈ سیٹ سے داخل کریں گے پرچہ نامزدگی

راہل گاندھی آج دوپہر 12 بجے کیرلہ کی وائناڈ سیٹ سے اپنا پرچہ نامزدگی داخل کریں گے۔ پرینکا گاندھی بھی راہل کے ساتھ رہیں گی۔ نامزدگی سے پہلے راہل کلپٹہ میں روڈ شو کریں گے۔

یہ بھی پڑھیں- S Jaishankar On Jawaharlal Nehru: ‘نہرو نے کہا تھا ہندوستان بعد میں، چین پہلے’، وزیر خارجہ ایس جے شنکر نے یو این ایس سی میں مستقل رکنیت پر کیا کہا

راہل گاندھی کے بیانات پر کون یقین رکھتا ہے- موہن یادو

کانگریس رکن پارلیمنٹ راہل گاندھی کے اس بیان پر کہ ‘ہندوستان میں آگ لگ جائے گی’، مدھیہ پردیش کے سی ایم موہن یادو نے کہا- ‘کون ان کی بات پر یقین بھی کرتا ہے؟ راہل گاندھی کی باتوں میں کوئی حقیقت یا سنجیدگی نہیں ہے۔ ان کی اپنی پارٹی اسے سنجیدگی سے نہیں لیتی۔ کانگریس کہیں نہیں ہے، بہت پیچھے ہے۔ راہل گاندھی اس کے ذمہ دار ہیں۔ انہوں نے کبھی کانگریس یا انتخابات کو سنجیدگی سے نہیں لیا۔ ابھی کچھ وقت ہے، ہمیں امید ہے کہ کانگریس اپنے اندرونی حالات سے نکل آئے گی۔

-بھارت ایکسپریس