Bharat Jodo Nayay Yatra: آسام میں درج ہوئی ایف آئی آر تو بھڑک گئے راہل گاندھی، ہیمنت بسوا سرما کو بتایا سب سے بدعنوان وزیراعلیٰ

کانگریس لیڈرراہل گاندھی کی بھارت جوڑو نیائے یاترا کو آسام کے گوہاٹی میں داخل ہونے سے روک دیا گیا، جس کے بعد کانگریس کارکنان نے ہنگامہ کیا اوربیریکیڈ توڑ دیئے۔ اس کے بعد آسام کے سی ایم ہیمنت بسوا سرما نے پولیس کوراہل گاندھی کے خلاف کیس درج کرنے کا حکم دیا۔ وزیراعلیٰ کے ایکشن پرراہل گاندھی برہم ہوگئے اورانہوں نے ہیمنت بسوا سرما کو سب سے بدعنوان یعنی کرپٹ وزیراعلیٰ قراردیا۔

راہل گاندھی نے پریس کانفرنس کرکے کہا کہ آسام کے وزیراعلیٰ ہیمنت بسوا سرما جو کچھ بھی کررہے ہیں، اس سے ہماری یاترا کو فائدہ ہو رہا ہے۔ جو تشہیرہمیں نہیں ملی ہوگی، ایسا کرکے آسام کے وزیراعلیٰ اورمرکزی وزیرداخلہ امت شاہ ہماری مدد کررہے ہیں۔ اب آسام میں اہم موضوع یاترا ہے۔ یہ ان کی ڈرانے دھمکانے کی پالیسی ہے۔ نیائے (انصاف) کا سندیش (پیغام) لوگوں تک پہنچ رہا ہے۔ راہل گاندھی نے کہا کہ ہیمنت بسوا سرما آسام نہیں چلاسکتے۔ یہ آسام کے لوگوں کی آواز نہیں ہیں۔ بی جے پی کارکنان بھی ہیمنت بسوا سرما کو پسند نہیں کرتے۔ آپ ان سے پوچھ سکتے ہیں۔