کانگریس جنرل سکریٹری پرینکا گاندھی۔ (فائل فوٹو)
کانگریس جنرل سکریٹری پرینکا گاندھی واڈرا نے جموں و کشمیر کے ڈوڈہ ضلع میں دہشت گردوں کے ساتھ تصادم کے دوران ہلاک ہونے والے چار فوجیوں کے اہل خانہ سے تعزیت کا اظہار کیا۔ پرینکا گاندھی نے سوشل میڈیا پلیٹ فارم پر لکھا ’اوپر والا ان کے آتما کو شانتی دے’ ۔ سوگوار خاندان سے میری گہری تعزیت۔ ہم ہمیشہ ان بہادر فوجیوں اور ان کے خاندانوں کے مقروض رہیں گے جنہوں نے عظیم قربانیاں دیں۔
ایک اور پوسٹ میں پرینکا نے لکھا، ‘جموں و کشمیر میں 4 فوجیوں کی موت سے پورا ملک غمزدہ ہے اور دہشت گردی کے خلاف متحد ہے، لیکن مسلسل بڑھتے ہوئے دہشت گردانہ حملے سنگین سوالات کو جنم دیتے ہیں۔ کیا ملک کی سیاسی قیادت کا کردار صرف ہرفوجیوں کی موت پر اظہار افسوس اور خاموشی اختیار کرنا چاہیے؟ جموں و کشمیر میں گزشتہ 78 دنوں میں 11 دہشت گردانہ حملے ہوئے ہیں۔ ان حملوں میں فوج اور پولیس کے 13 اہلکاروں کی موتیں ہوئیں ہیں۔ 9 جون کو مسافر بس پر حملے میں 9 عقیدت مند مارے گئے تھے۔ ان حملوں اور ہمارے فوجیوں کی ہلاکت کو روکنے کے لیے حکومت سفارتی، سٹریٹیجک محاذ پر کیا اقدامات کر رہی ہے؟ کبھی ہمارے فوجی دہشت گردی کو تباہ کرنے کے جھوٹے دعوے کی قیمت اپنی جانوں سے ادا کر رہے ہیں، کبھی نوٹ بندی یا دفعہ 370 کے نام پر۔ ہم کب تک اپنے فوجیوں کی ہلاکت کے بعد ان کی لاشیں گنتے رہیں گے؟
کانگریس صدر نے مودی حکومت کو نشانہ بنایا
کانگریس صدر ملکارجن کھرگے نے ایکس پر لکھا، ‘میں جموں و کشمیر کے ڈوڈہ میں دہشت گردانہ مقابلے میں ایک افسر سمیت 4 بہادر فوجی جوانوں کی ہلاکت سے بہت غمزدہ ہوں۔ ہم اپنے ہیروز کے خاندانوں کے تئیں تعزیت کا اظہار کرتے ہیں جنہوں نے مادر ہند کی خدمت کرتے ہوئے سب سے بڑی قربانی دی۔ ہماری دعائیں زخمیوں کے ساتھ ہیں، اور ہم ان کی جلد صحت یابی کی خواہش کرتے ہیں۔ بزدل دہشت گردوں کے تشدد کی ان کارروائیوں کی ہماری سخت اور واضح مذمت کے لیے کوئی الفاظ کافی نہیں ہوں گے۔ گزشتہ 36 دنوں میں جموں و کشمیر میں جس طرح کے دہشت گردانہ حملے ہوئے ہیں، اس کے پیش نظر ہماری سیکورٹی حکمت عملی کا دوبارہ جائزہ لیا جانا چاہئے۔
کھرگے نے لکھا، مودی حکومت کا رویہ ایسا ہے جیسے سب کچھ نارمل ہے اور کچھ نہیں بدلا ہے۔ انہیں معلوم ہونا چاہیے کہ جموں خطہ مسلسل ان حملوں کا خمیازہ بھگت رہا ہے۔ ہم جھوٹے شیخی بگھار کر اور جھوٹی پردہ پوشی کر کے اپنے ملک کی سلامتی کو خطرے میں نہیں ڈال سکتے۔ بحیثیت قوم ہمیں اجتماعی طور پر سرحد پار دہشت گردی کا مقابلہ کرنا ہے۔ انڈین نیشنل کانگریس بہادر مسلح افواج کے ساتھ مضبوطی سے کھڑی ہے۔
بھارت ایکسپریس۔
بنچ نے کہا کہ آپ لوگ سینیٹری لینڈ فل کے پاس رہ رہے ہیں۔آپ کی…
پولیس کی طرف سے پیش کی گئی رپورٹ کا مطالعہ کرنے کے بعد ہائی کورٹ…
سفیر کو تسلیم کرنے کے عمل کو طالبان حکام کی فتح کے طور پر دیکھا…
یہ دلیل راؤز ایونیو کورٹ کی اسپیشل جج کاویری باویجا کے سامنے دی گئی جنہوں…
نرمل بینی برسوں سے ملیالم فلم انڈسٹری میں سرگرم تھے ۔ تاہم ان کے انتقال…
سری لنکا اور نیوزی لینڈ کے درمیان دونوں ٹیسٹ میچ گال میں کھیلے جائیں گے…