PM Modi inaugurates RJ Sankara Eye Hospital in Varanasi: کاشی اب اپنی صحت کی خدمات کی وجہ سے جانا جاتا ہے، وارانسی میں وزیر اعظم مودی کا خطاب

وزیر اعظم نریندر مودی وارانسی کے دورے پر ہیں، وارانسی میں آنکھوں کے اسپتال کا افتتاح کرنے کے بعد وزیر اعظم مودی نے جلسہ عام سے خطاب کیا۔ اس دوران انہوں نے کہا کہ اب کاشی صحت خدمات کی وجہ سے بھی پہچانا جاتا ہے۔ اس سے پہلے کاشی کو صرف مذہب کی راجدھانی کے طور پر جانا جاتا تھا۔ پوروانچل میں صحت کی خدمات میں کافی بہتری آئی ہے۔

وزیر اعظم مودی نے کہا کہ کاشی قدیم زمانے سے مذہب اور ثقافت کی راجدھانی کے طور پر جانا جاتا تھا، اب کاشی یوپی میں پوروانچل کے ایک بڑے صحت مرکز اور صحت کی دیکھ بھال کے مرکز کے طور پر بھی مشہور ہو رہا ہے۔ انہوں نے کہا کہ اس  مہینے میں کاشی آنا کئی اعتبار سے اہم ہے ۔ یہاں نہ صرف ہمارے کاشی کے باشندے موجود ہیں بلکہ ہمارے پاس سنتوں اور معزز شخصیات بھی ہیں۔ اس سے بڑا خوشگوار اتفاق کیا ہو سکتا ہے۔

وزیر اعظم  مودی نے کہا کہ ابھی مجھے  شنکراچاریہ جی کو دیکھنے، پرساد اور آشیرواد حاصل کرنے کا موقع ملا ہے ۔ ان کے آشیر واد  سے آج کاشی اور پوروانچل کو ایک اور جدید ہسپتال ملا ہے۔ بھگوان شنکر کے شہر میں آر جے شنکر آئی ہسپتال لوگوں کے لیے وقف ہے۔

انہوں نے کہا کہ آر جے شنکر آئی ہسپتال وارانسی اور اس خطے کے بہت سے لوگوں کی زندگیوں سے اندھیرے کو دور کر کے انہیں روشنی کی طرف لے جائے گا۔ یہ ہسپتال بزرگوں کی بھی خدمت کرے گا اور بچوں کو بھی روشنی فراہم کرے گا۔ غریبوں کی بڑی تعداد یہاں مفت علاج کروانے جارہی ہے۔ یہ ہسپتال یہاں کے نوجوانوں کے لیے روزگار کے مواقع لے کر آیا ہے۔

بھارت ایکسپریس۔