قومی

Prime Minister Modi praised Vaibhav: وزیراعظم مودی نے 14 سالہ ویبھو سوریہ ونشی کی حوصلہ افزائی کی، ایوارڈ کے بعد ملاقات کی تصاویر سوشل میڈیا پر وائرل

نئی دہلی: محض 14 برس کی عمر میں کرکٹ کی دنیا میں دھوم مچانے والے نوجوان بلے باز ویبھوو سوریہ ونشی نے راشٹرپتی بھون میں وزیراعظم راشٹریہ بال پرسکار حاصل کر کے تاریخ رقم کر دی۔ اس موقع پر وزیراعظم نریندر مودی نے ویبھو سے ملاقات کی، ان کی پیٹھ تھپتھپائی اور شاندار کھیل کی دل کھول کر تعریف کی۔

وزیراعظم مودی اور ویبھو کی خصوصی ملاقات

صدرجمہوریہ دروپدی مرمو سے اعزاز حاصل کرنے کے بعد ویبھو سوریہ ونشی کی وزیراعظم نریندر مودی سے ملاقات ہوئی۔ دونوں کے درمیان کافی دیر تک گفتگو ہوئی۔ وزیراعظم نے نہ صرف اس بڑی کامیابی پر ویبھو کو مبارک باد دی بلکہ ان کے روشن مستقبل کے لیے ڈھیروں دعائیں اور نیک تمنائیں بھی پیش کیں۔ سوشل میڈیا پر اس ملاقات کی تصاویر تیزی سے وائرل ہو رہی ہیں۔ تصاویر میں ویبھو کے چہرے پر معصومیت اور وزیراعظم مودی کا شفقت بھرا انداز صاف جھلکتا ہے۔ کھیلوں کے شائقین کے لیے یہ لمحہ اس لیے بھی خاص ہے کہ یہ ملک کے سب سے بڑے رہنما اور ابھرتے ہوئے نوجوان کھلاڑی کے درمیان ایک یادگار منظر ہے۔

14 سال کی عمر میں ریکارڈز کی جھڑی

بہار کے موتیہاری سے تعلق رکھنے والے ویبھو سوریہ ونشی نے کم عمری میں وہ کارنامہ انجام دیا ہے جو بڑے بڑے کھلاڑی بھی کم ہی کر پاتے ہیں۔ حال ہی میں وجے ہزارے ٹرافی میں اروناچل پردیش کے خلاف انہوں نے محض 84 گیندوں پر 190 رنز کی شاندار اننگز کھیلی۔ 16 چوکوں اور 15 چھکوں سے سجی اس دھواں دھار اننگز نے انہیں لسٹ-اے کرکٹ میں سنچری بنانے والا دنیا کا سب سے کم عمر کھلاڑی بنا دیا۔

کوہلی اور دھونی کو پیچھے چھوڑنے والا نوجوان اسٹار

ویبھوو کی مقبولیت کا اندازہ اس بات سے لگایا جا سکتا ہے کہ سال 2025 میں گوگل پر سب سے زیادہ سرچ کیے جانے والے بھارتی کرکٹرز کی فہرست میں انہوں نے ویراٹ کوہلی اور روہت شرما جیسے بڑے ناموں کو بھی پیچھے چھوڑ دیا۔ انڈر-19 ایشیا کپ سے لے کر گھریلو کرکٹ تک ان کی کارکردگی نے انہیں کرکٹ شائقین کا نیا ہیرو بنا دیا ہے۔

پردھان منتری راشٹریہ بال پرسکار کیا ہے؟

واضح رہے کہ پردھان منتری راشٹریہ بال پرسکار 5 سے 18 سال کی عمر کے ان بچوں کو دیا جاتا ہے جنہوں نے فن، ثقافت، بہادری، اختراع، سماجی خدمت اور کھیل کے میدان میں غیر معمولی کامیابیاں حاصل کی ہوں۔ اس سال ویبھو سوریہ ونشی سمیت 19 بچوں کو اس باوقار اعزاز کے لیے منتخب کیا گیا تھا۔

بھارت ایکسپریس اردو۔

Habiburrahman

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

8 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

8 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

8 hours ago