’اگرپی ایم مودی ٹرمپ کوجھوٹا کہیں توپوری سچائی سامنے آجائے گی‘، راہل گاندھی کا بڑا الزام، پرینکا گاندھی نے بھی اٹھایا سوال

نئی دہلی: امریکہ کے صدرڈونالڈ ٹرمپ کے ہندوستان-پاکستان کے درمیان حالیہ کشیدگی ختم کرنے کے دعووں سے متعلق کانگریس لیڈرراہل گاندھی اورپرینکا گاندھی نے مودی حکومت پرسخت حملہ بولا ہے۔ راہل گاندھی نے کہا کہ مودی صاف نہیں کہہ رہے ہیں کہ ٹرمپ جھوٹ بول رہے ہیں، کیونکہ وہ خود بول نہیں پا رہے ہیں۔ وہیں، پرینکا گاندھی نے کہا کہ مودی اورایس جے شنکر کے بیان گول مول ہیں اور انہیں صاف کہنا چاہئے کہ ٹرمپ جھوٹ بول رہے ہیں۔

ہندوستان اورپاکستان کی حالیہ کشیدگی کو ختم کرنے سے متعلق امریکی صدرڈونالڈ ٹرمپ کی طرف سے مسلسل کئے گئے دعووں سے ہندوستان میں سیاسی بیان بازی تھمنے کا نام نہیں لے رہا ہے۔ ایسے میں ایک بارپھراس معاملے میں کانگریس لیڈر راہل گاندھی اور پرینکا گاندھی نے وزیراعظم مودی پرتنقید کی ہے۔ راہل گاندھی نے وزیراعظم مودی پرسخت حملہ کرتے ہوئے کہا کہ وزیراعظم نریندر مودی نے صاف نہیں کہا کہ ٹرمپ جھوٹ بول رہے ہیں، کیونکہ وہ خود بول نہیں پا رہے ہیں۔

راہل گاندھی نے کی تنقید

راہل گاندھی نے وزیراعظم مودی پرتنقید کرتے ہوئے کہا کہ اگروزیراعظم مودی بولیں گے توٹرمپ سچ سامنے لا دیں گے، اس لئے مودی خاموش ہیں۔ انہوں نے یہ بھی کہا کہ ڈونالڈ ٹرمپ اپنی تجارتی ڈیل کے لئے وزیراعظم مودی پردباؤ بنا رہے ہیں اور دیکھنا ہوگا کہ یہ ڈیل کیسی بنتی ہے۔

پرینکا گاندھی نے کیا کہا؟