PM Modi US Visit: وزیر اعظم کے امریکہ دورہ کے تعلق سے سبرامنیم سوامی کا بڑا بیان،کہا امریکہ سے خالی ہاتھ لوٹیں گے مودی

بی جے پی لیڈر سبرامنیم سوامی نے وزیر داخلہ امت شاہ کے بعد اب وزیر اعظم نریندر مودی کوتنقید کا نشانہ بنایا ہے۔ اس بار سوامی نے چین کے معاملے پر اپنی ہی حکومت کو گھیرا ہے۔ سبرامنیم سوامی نے وزیر اعظم مودی کے امریکی دورے کا حوالہ دیتے ہوئے ایک ٹویٹ کیا ہے، جس میں انہوں نے کہا ہے کہ چین بھارت کے خلاف مسلسل جارحانہ رویہ دکھا رہا ہے، اس کے باوجود امریکہ نے اس بارے میں کچھ نہیں بتایا۔ ایسے میں پی ایم مودی خالی ہاتھ دہلی لوٹ رہے ہیں۔

چین کی جارحیت کا ذکر کیا

بی جے پی لیڈر سبرامنیم سوامی جو اکثر اپنے بیانات کو لے کرسرخیوں میں رہتے ہیں، انہوں نے اپنے ٹویٹ میں دی اکانومسٹ میگزین کے صفحہ اول پر چھپی تصویر کا ذکر کیا۔ جس میں جو بائیڈن کو ٹائیگر کے ساتھ دکھایا گیا ہے۔ سوامی نے ٹویٹر پر لکھا اسٹرٹیجک فائدہ کے طور پر پی ایم مودی خالی ہاتھ دہلی لوٹ رہے ہیں۔ امریکہ کی طرف سے ہندوستان کے خلاف چین کی جارحیت کا کوئی ذکر نہیں تھا، جب کہ چین نے لداخ کے 4026 مربع کلومیٹر قبضہ کر لیا ہے۔اکانومسٹ کا صفحہ اول تصویر میں دکھایا گیا ہے کہ بائیڈن مودی ٹائیگر کو پکڑ رہے ہیں ۔”

  واضح  رہے کہ وزیر اعظم نریندر مودی امریکہ کے تین روزہ دورے پر ہیں، جہاں پہلے دن انہوں نے یوگا ڈے پر اقوام متحدہ کے ہیڈ کوارٹر میں منعقد پروگرام میں شرکت کی۔ اس کے بعد پی ایم مودی نے امریکی صدر جو بائیڈن سے ملاقات کی اور انہیں بہت سی چیزیں تحفے میں دیں۔ اب وزیر اعظم مودی امریکی کانگریس کے مشترکہ اجلاس سے خطاب کریں گے۔

امیت شاہ کے بارے میں ٹویٹ کیا تھا

اس سے کچھ دن پہلے بی جے پی لیڈر سبرامنیم سوامی نے بھی وزیر داخلہ کے حوالے سے ایک ٹویٹ کیا تھا، جس میں کہا گیا تھا کہ وہ اپنی وزارت تبدیل کریں۔ سوامی نے یہ ٹویٹ منی پور میں جاری تشدد کے حوالے سے کیا ہے۔ جس میں انہوں نے لکھا کہ منی پور میں صدر راج نافذ ہونا چاہیے۔ انہوں نے ٹویٹر پر لکھا، “اب وقت آگیا ہے کہ منی پور کی بی جے پی حکومت کو برطرف کیا جائے اور آرٹیکل 356 کے تحت یہاں مرکزی راج نافذ کیا جائے۔ ساتھ ہی امت شاہ کو وزارت کھیل بھیجا جائے۔