PM Modi to address top military commanders: پی ایم مودی اگلے ماہ کولکاتا میں اعلیٰ فوجی کمانڈروں سے کریں گے خطاب، قومی سلامتی پر مرکوز ہوگی توجہ

پاکستان کے خلاف آپریشن سندور میں بڑی کامیابی کے بعد پہلی بار وزیر اعظم نریندر مودی کے ستمبر کے تیسرے ہفتے میں کولکاتا میں منعقد ہونے والی کمبائنڈ کمانڈرز کانفرنس میں اعلیٰ فوجی افسران سے خطاب کرنے کی توقع ہے۔ کانفرنس میں وزارت دفاع کی سویلین بیوروکریسی کے ساتھ تینوں دفاعی افواج کے تمام اعلیٰ کمانڈرز بھی شریک ہوں گے۔

اے این آئی نے ذرائع کے حوالے سے رپورٹ کیا ہے کہ وزیر اعظم اس موقع پر قومی سلامتی سے متعلق امور پر اعلیٰ کمانڈروں سے خطاب کر سکتے ہیں اور ساتھ ہی مستقبل میں افواج کے لیے اپنا نقطہ نظر بھی پیش کر سکتے ہیں۔ توقع ہے کہ وزیر اعظم کو اعلیٰ دفاعی اصلاحات کے حصے کے طور پر تین تھیٹر کمانڈز کی تشکیل کے بارے میں بھی تفصیلی پریزنٹیشن دی جائے گی تاکہ افواج کو مستقبل کی جنگیں مشترکہ اور موثر طریقے سے لڑنے کے قابل بنایا جا سکے۔

چیف آف اسٹاف کمیٹی کے آپریشنل کردار کو بڑھانے پر غور کر ہی ہے فوج

تھیٹر کمانڈز کا بنیادی کام چیف آف ڈیفنس اسٹاف جنرل انل چوہان کے ماتحت انٹیگریٹڈ ڈیفنس اسٹاف کر رہا ہے۔ آئی ڈی ایس اب آپریشن سندور سے سیکھے گئے اسباق کو کمانڈز کے بنیادی ڈھانچے میں شامل کرنے کے لیے بھی کام کر رہا ہے۔ انھوں نے کہا کہ فوج چیف آف ڈیفنس اسٹاف کی سربراہی میں چیف آف اسٹاف کمیٹی کے آپریشنل کردار کو بڑھانے پر بھی غور کر رہی ہے۔

واضح رہے کہ جے پور، پریاگ راج اور کاروار سمیت تین مقامات پر تھیٹر کمانڈ قائم کرنے کا منصوبہ بنایا گیا تھا۔ یہ کمانڈز بالترتیب مغربی، شمالی اور سمندری سرحدوں کے لیے ذمہ دار ہوں گے۔ اس دوران وزیر اعظم کو دی جانے والی ایک اور اہم پیشکش ملک میں میک ان انڈیا کے تحت بنائے گئے دیسی ہتھیاروں کے نظام اور پلیٹ فارم کی ہوگی۔

واضح رہے کہ وزیر اعظم پہلے کمبائنڈ کمانڈرز کانفرنس سے سالانہ خطاب کرتے تھے لیکن اب اسے ہر دو سال میں ایک بار کر دیا گیا ہے۔ وزیر دفاع نے گزشتہ سال لکھنؤ میں مشترکہ کمانڈروں کی کانفرنس سے خطاب کیا تھا، جس کے دوران انھوں نے افواج کے ساتھ قومی سلامتی کے حوالے سے اپنا وژن شیئر کیا تھا۔

بھارت ایکسپریس اردو