PM Modi Podcast: ہندوستان صرف ایک جغرافیائی وجود نہیں ہے بلکہ ایک تہذیب ہے جو ہزاروں سالوں سے پروان چڑھی ہے:پی ایم مودی

مشہور پوڈ کاسٹر اور اے آئی کے محقق لیکس فریڈمین کو دیے گئے انٹرویو میں وزیر اعظم نریندر مودی نے زور دے کر کہا کہ ہندوستان صرف ایک جغرافیائی وجود نہیں ہے بلکہ ایک تہذیب ہے جو ہزاروں سالوں سے پروان چڑھی ہے۔ ہندوستان ایک ثقافتی شناخت ہے۔ یہ ایک ایسی تہذیب ہے جو ہزاروں سال پرانی ہے،اس دوران انہوں نے ملک بھر میں وسیع لسانی اور ثقافتی تنوع کو اجاگر کیا۔

گفتگو کے دوران پی ایم مودی نے مشترکہ روایات کی طرف اشارہ کیا جو علاقائی اختلافات کے باوجود ہندوستانیوں کو متحد کرتی ہیں۔جنوب سے شمال تک، آپ کو بے پناہ تنوع نظر آئے گا۔ لیکن اگر آپ تھوڑی گہرائی میں غور کریں تو آپ کو ایک مشترکہ دھاگہ ملے گا،انہوں نے ہندوستان کے مختلف حصوں میں بھگوان رام کی موجودگی کی مثال دیتے ہوئے وضاحت کی۔

انہوں نے ہندوستان کے تاریخی تسلسل کو برقرار رکھنے میں رسومات کی اہمیت کے بارے میں بھی بات کی۔ کہا،ہم کسی بھی رسم کو شروع کرنے سے پہلے پوری کائنات کو پکارتے ہیں، جمبودیپ سے لے کر بھرتکھنڈ، آریا ورت، اور آخر میں اپنے مخصوص خاندانی دیوتا تک۔ یہ رواج اب بھی ہندوستان کے ہر کونے میں زندہ ہے۔

بھارت ایکسپریس۔