PM Modi Shares a Shloka: ’’جیسے ہوں گے خیال اور عمل، ویسی ہوگی زندگی‘‘ وزیراعظم مودی نے شیئر کیا سنسکرت شلوک، جانئے کیا ہیں اس کے معنی؟

نئی دہلی: وزیراعظم نریندر مودی نے آجو اپنے آفیشل سوشل میڈیا پلیٹ فارم ’ایکس‘ پر ایک بار پھر ہندوستانی علم کی روایت اور سناتن فلسفے سے وابستہ ایک متاثر کن سنسکرت شلوک شیئر کیا۔ اپنے باقاعدہ ’سبھاشِتم‘ پیغام کے تحت شیئر کیے گئے اس شلوک کے ذریعے وزیراعظم نے ملک کے عوام کو ذاتی ترقی، مثبت سوچ اور نیک اعمال کو زندگی کا حصہ بنانے کا پیغام دیا۔ پی ایم مودی نے اس پوسٹ کے ساتھ ایک پُرسکون اور خوبصورت ویڈیو بھی شیئر کیا ہے، جس میں قدرتی مناظر، دھیان کی مُدرا اور روشن دیے کے ساتھ شلوک کا مفہوم ہندی اور انگریزی دونوں زبانوں میں خوبصورتی سے سمجھایا گیا ہے۔

कर्मणा मनसा वाचा यदभीक्ष्णं निषेवते।

तदेवापहरत्येनं तस्मात्कल्याणमाचरेत्॥ pic.twitter.com/0MyI0fXlu2

— Narendra Modi (@narendramodi) July 24, 2026

کرم، من اور وچن کی پاکیزگی پر زور

وزیراعظم مودی کی جانب سے شیئر کیے گئے شلوک میں انسانی زندگی کے ایک اہم نفسیاتی اور روحانی اصول کو بیان کیا گیا ہے۔ اس کا سادہ مفہوم یہ ہے کہ انسان اپنے اعمال، خیالات اور گفتار کے ذریعے جس چیز یا موضوع کا مسلسل عمل کرتا ہے، اس کی زندگی بالآخر اسی سمت میں آگے بڑھنے لگتی ہے۔ اسی لیے ہر شخص کو ہمیشہ فلاح بخش، نیک اور مثبت خیالات کو اپنانا، اچھی بات چیت کرنا اور نیک اعمال انجام دینا چاہیے، تاکہ اس کی زندگی بھی فلاح و بہبود کی سمت آگے بڑھے۔

’ملک کی تعمیر کے لیے مثبت سوچ ضروری ہے‘

اپنی اس پوسٹ کے ذریعے وزیراعظم نریندر مودی نے ایک بار پھر ملک کے شہریوں کو اخلاقی زندگی، خود اصلاح اور قومی تعمیر کے لیے متحد ہونے کی ترغیب دی ہے۔ وزیراعظم کا ماننا ہے کہ تیزی سے بدلتے دور میں اگر انسان اپنے خیالات اور اعمال میں پاکیزگی اور مثبت سوچ برقرار رکھے تو نہ صرف اس کی ذاتی زندگی بہتر ہوگی بلکہ معاشرہ اور ملک بھی ترقی کی راہ پر آگے بڑھیں گے۔ یہ پوسٹ ہر شہری کو اپنے خیالات، الفاظ اور اعمال کے درمیان توازن اور ہم آہنگی قائم رکھنے کی یاد دلاتی ہے۔ وزیراعظم نریندر مودی کی جانب سے شیئر کیا گیا یہ پُرسکون اور دلکش ویڈیو سوشل میڈیا پرلوگوں کی توجہ کا مرکز بن گیا۔ ملک اور بیرونِ ملک سوشل میڈیا صارفین اس پہل کی تعریف کر رہے ہیں، جو تیز رفتار زندگی کے درمیان لوگوں کو سناتن ثقافت کے قیمتی علمی اور اخلاقی ورثے سے جوڑنے کی کوشش ہے۔

بھارت ایکسپریس اردو۔