PM Modi May Meet Leaders on SCO Sidelines: چین میں ایس سی او اجلاس میں شرکت کے علاوہ دیگر عالمی رہنماؤں سے دو طرفہ ملاقاتیں بھی کریں گے پی ایم مودی، خارجہ سکریٹری نے میڈیا کو کیا بریف

وزیرِ اعظم نریندر مودی 31 اگست اور یکم ستمبر کو چین کے شہر تیانجن میں شنگھائی تعاون تنظیم (SCO) کے 25ویں سربراہی اجلاس میں شرکت کریں گے۔ اس دورے کی دعوت چینی صدر شی جن پنگ نے دی ہے، جس کا اعلان وزارتِ خارجہ کے سکریٹری (برائے مغرب) تنمے لال نے منگل کو کیا۔ اجلاس کے پہلے دن یعنی 31 اگست کو استقبالیہ عشائیہ رکھا جائے گا جب کہ مرکزی اجلاس یکم ستمبر کو ہوگا۔

دیگر رہنماؤں سے دوطرفہ ملاقاتیں بھی کریں گے پی ایم مودی

خارجہ سکریٹری تنمے لال نے بتایا کہ اس دوران وزیرِ اعظم مودی دیگر عالمی رہنماؤں کے ساتھ دو طرفہ ملاقاتیں بھی کریں گے۔ تیانجن میں شنگھائی تعاون تنظیم کے سربراہی اجلاس کے پروگرام کے عناصر کا اشتراک کرتے ہوئے تنمے لال نے کہا ’’وزیر اعظم سے شنگھائی تعاون تنظیم کے سربراہی اجلاس کے موقع پر کچھ دو طرفہ ملاقاتیں بھی متوقع ہیں۔‘‘

SCO کے بنیادی اہداف اور بھارت کی ترجیحات

SCO کا بنیادی مقصد دہشت گردی، علیحدگی پسندی اور انتہا پسندی جیسے مسائل کا مقابلہ ہے۔ بھارت کی ترجیحات میں سیکورٹی، معیشت، تجارت، کنیکٹیویٹی، اتحاد، خود مختاری کا احترام اور ماحولیات شامل ہیں۔ بھارت نے 2022-23 کے دوران ایس سی او کی صدارت کی اور اس دوران مختلف تعاوناتی بیانات اور پروگرامز کی منظوری دی گئی۔ اس کے علاوہ بھارت نے گزشتہ برسوں میں ایس سی او کے مختلف اجلاسوں میں بھرپور شرکت کی ہے، جن میں چینگداؤ (2018)، بشکیک (2019)، ماسکو (2020)، دوشنبے (2021)، تاشقند (2022) اور نئی دہلی (2023) شامل ہیں۔ بھارت نے ایس سی او کے علاقائی انسداد دہشت گردی ڈھانچے (RATS) کی صدارت بھی کی ہے۔

چینی وزیرِ خارجہ کی حالیہ ملاقات

چینی وزیرِ خارجہ وانگ یی نے حال ہی میں بھارت کا دورہ کیا اور وزیرِ اعظم مودی کو صدر شی جن پنگ کا پیغام اور ایس سی او اجلاس کی دعوت نامہ پیش کیا۔ وزیرِ اعظم نے چین کی صدارت کی حمایت کا اظہار کیا اور علاقائی و عالمی امن و خوش حالی کے لیے تعاون کو اہم قرار دیا۔ وزیرِ اعظم نے اس موقع پر واضح کیا کہ بھارت اور چین کے درمیان مستحکم اور تعمیری تعلقات خطے اور دنیا کے امن و استحکام میں کلیدی کردار ادا کریں گے۔

بھارت ایکسپریس اردو