PM Modi-led Cabinet clears ₹11000 crore railway projects: پی ایم مودی کی صدارت میں کابینہ کمیٹی نے 11 ہزار کروڑ سے زیادہ کے ریلوے منصوبوں کو دی منظوری

وزیر اعظم نریندر مودی کی صدارت میں اقتصادی امور کی کابینہ کمیٹی (CCEA) نے آج وزارت ریلوے کی چار اہم ملٹی ٹریکنگ (multi-tracking) منصوبوں کی منظوری دی، جن کی کل لاگت تقریباً ₹11,169 کروڑ ہے۔ یہ منصوبے PM Gati Shakti نیشنل ماسٹر پلان کے تحت ریلوے کی صلاحیت اور رسد کی کارکردگی کو بہتر بنانے کے لیے ترتیب دیے گئے ہیں۔ جن منصوبوں کو منظوری دی گئی ہے، ان میں:

1۔ اٹارسی سے ناگپور تک چوتھی لائن

2۔ اورنگ آباد (چھترپتی سمبھاجی نگر) سے پربھنی تک ڈبلنگ

3۔ الوآباری روڈ سے نیو جلپائی گُوڑی تک تیسری اور چوتھی لائن

4۔ ڈانگوپوسی سے جارولی تک تیسری اور چوتھی لائن

شامل ہیں۔ ان منصوبوں کا مقصد ریلوے لائنوں کی گنجائش بڑھانا، بھیڑ کو کم کرنا اور آپریشن کو منظم کرنا ہے، جس سے نہ صرف مسافروں بلکہ مال برداری کی نقل و حمل میں بھی بہتری آئے گی۔ یہ منصوبے مختلف ریاستوں جیسے مہاراشٹر، جھارکھنڈ، اوڈیشہ، بہار اور مدھیہ پردیش کے مجموعی طور پر 13 ضلعوں میں تقریباً 574 کلومیٹر نیٹ ورک کا اضافہ کریں گے۔ اس سے تقریبا 2,309 دیہاتوں سے رابطہ مضبوط ہوگا جہاں تقریباً 43.6 لاکھ افراد کی آبادی ہے۔

مال برادری کی صلاحیت میں ہوگا اضافہ

ان منصوبوں کی بدولت سامانوں کی نقل و حمل کی صلاحیت میں بھی اضافہ ہوگا، ریلوے کی صلاحیت بڑھے گی اور اضافی مال برداری کی گنجائش تقریباً 95.91 ملین ٹن فی سال ہوگی۔ مزید یہ کہ یہ منصوبے ماحول دوست اور توانائی کی بچت کرنے والے ٹرانسپورٹ کے طور پر اہم ہیں۔ ان سے تیل کی درآمد میں تقریباً 16 کروڑ لیٹر کمی، اور CO₂ کے اخراج میں 515 کروڑ کلوگرام تک کمی ہوگی، جو تقریباً 20 کروڑ درخت لگانے کے مساوی ہے۔ یہ منصوبے 2030-31 تک مکمل ہونے کی امید ہے۔

واضح رہے کہ یہ منصوبے وزیر اعظم مودی کے ’’وکست بھارت‘‘ وژن کا حصہ ہیں، جن کا مقصد جامع ترقی، سازگار رسدی مواصلات اور لوگوں کو ’’آتم نربھر‘‘ بنانے کے ذریعے خطوں میں معاشی نمو کو فروغ دینا ہے۔ یہ منصوبے ریلوے خدمات کو زیادہ قابلِ اعتماد، تیز اور پائیدار بنانے کی جانب اہم قدم ہیں۔

بھارت ایکسپریس اردو