PM Modi attacks INDIA bloc: راہل گاندھی کے ‘شکتی’ ریمارک پر پی ایم مودی کا سخت حملہ، کہا- شکتی کو تباہ کرنے کی بات کرنے والوں کو تمل ناڈو دے گا سزا

نئی دہلی: وزیر اعظم نریندر مودی نے منگل کے روز راہل گاندھی کے ‘شکتی’ ریمارک پر انڈیا بلاک پر سخت حملہ کرتے ہوئے کہا کہ اپوزیشن نے اسے تباہ کرنے کا اعلان کرکے اپنی “بد نیتی” کا مظاہرہ کیا ہے۔ اپوزیشن کو نشانہ بناتے ہوئے پی ایم مودی نے کہا کہ “ہندو مذہب میں ‘شکتی’ کا مطلب ‘مترو شکتی’، ‘ناری شکتی’ ہے لیکن انڈیا بلاک، جس میں کانگریس اور ڈی ایم کے کلیدی اتحادی ہیں، کہتے ہیں کہ وہ اسے تباہ کر دیں گے۔

تمل ناڈو کے سیلم میں ایک عوامی ریلی کے دوران وزیر اعظم نریندر مودی کا گیارہ ‘شکتی اماں’ نے استقبال کیا۔ یہ واقعہ بھارتیہ جنتا پارٹی (بی جے پی) کی طرف سے کانگریس لیڈر راہل گاندھی پر ان کے حالیہ ‘شکتی’ تبصرہ پر تنقید کے طور پر دیکھا جا رہا ہے ہے۔

درپردہ حملے میں وزیر اعظم نے کہا کہ “انڈیا بلاک نے بار بار اور جان بوجھ کر ہندومت کی توہین کی ہے اور اس کے خلاف ان کی طرف سے دیا جانے والا ہر بیان سوچا سمجھا جاتا ہے۔” وہ تمل ناڈو کے سیلم میں ایک عوامی تقریب سے خطاب کر رہے تھے۔

پی ایم مودی نے کہا کہ ‘شکتی’ سے مراد دیوتا ہے اور ریاست میں مختلف دیوتاؤں کی شکل میں ظاہر ہوتا ہے جیسے مریممن، مدورائی میناکشیاماں اور کانچی کامکشیما۔ اپنے خطاب کے دوران انہوں نے قومی شاعر سبرامنیا بھارتی کا بھی تذکرہ کیا، جنہوں نے مادر ہند کی ‘شکتی’ کے طور پر پوجا کی۔ انہوں نے مزید کہا “تمل ناڈو ان لوگوں کو سزا دے گا جو شکتی کو تباہ کرنے کی بات کرتے ہیں۔ میں ایک شکتی اپاسک ہوں”۔

بھارت ایکسپریس۔