ہندوستان کے دورے پر آئے قطر کے امیر، استقبال کے لئے آئی جی آئی ایئرپورٹ پہنچے پی ایم مودی
Qatar Emir India Visit: وزیر اعظم نریندر مودی پیر کی شام دہلی کے اندرا گاندھی بین الاقوامی ہوائی اڈے پر پہنچے، جہاں انہوں نے قطر کے امیر شیخ تمیم بن حمد الثانی کا پرتپاک استقبال کیا۔ قطر کے امیر شیخ تمیم 17-18 فروری کو ہندوستان کے سرکاری دورے پر ہیں۔
امیر شیخ تمیم کے دورہ ہندوستان کا مقصد دونوں ممالک کے درمیان دوطرفہ تعلقات کو مضبوط بنانا اور مختلف امور پر بات چیت کرنا ہے۔ بھارتی وزارت خارجہ نے ان کے دورے کے حوالے سے میڈیا کو آگاہ کیا ہے۔ وزارت خارجہ کے مطابق اس دورے کے دوران قطر کے امیر ایک اعلیٰ سطحی وفد کے ساتھ ہندوستان آئے ہیں جس میں وزرا، اعلیٰ حکام اور کاروباری وفد شامل ہوگا۔
دوطرفہ تعلقات کے مختلف پہلوؤں پر کیا جائے گا تبادلہ خیال
یہ قطر کے امیر شیخ تمیم بن حمد الثانی کا ہندوستان کا دوسرا سرکاری دورہ ہے۔ اس سے قبل انہوں نے مارچ 2015 میں ہندوستان کا دورہ کیا تھا۔ اس دورے کے دوران وہ وزیر اعظم نریندر مودی کے ساتھ دو طرفہ تعلقات کے مختلف پہلوؤں پر بات چیت کریں گے۔ وزارت خارجہ نے کہا کہ امیر قطر کا دورہ دونوں ممالک کے درمیان بڑھتی ہوئی کثیر جہتی شراکت داری کو مزید تقویت فراہم کرے گا۔
قطر کے امیر کا راشٹرپتی بھون میں بھی کیا جائے گا استقبال
18 فروری 2025 کو قطر کے امیر کا رسمی طور پر راشٹرپتی بھون میں استقبال کیا جائے گا۔ اس موقع پر قطر کے امیر صدر دروپدی مرمو سے ملاقات کریں گے اور ان کے اعزاز میں ضیافت بھی دی جائے گی۔ قطر کے امیر کے ساتھ اس بات چیت میں ہندوستان اور قطر کے درمیان تعلقات کو مزید گہرا کرنے کے اقدامات پر تبادلہ خیال کیا جائے گا۔
یہ بھی پڑھیں- Meeting between Modi-Shah and Rahul Gandhi: نئے سی ای سی کے نام پر پی ایم او میں بحث، مودی-شاہ اور راہل گاندھی کے درمیان میٹنگ
تاریخی ہیں ہندوستان اور قطر کے درمیان تعلقات
ہندوستان اور قطر کے درمیان مضبوط اور تاریخی تعلقات ہیں۔ دونوں ممالک کے درمیان دوستی، اعتماد اور باہمی احترام کی بنیاد بہت پرانی ہے۔ وزارت خارجہ کے مطابق دونوں ممالک کے درمیان تعلقات میں گزشتہ چند برسوں کے دوران بتدریج اضافہ ہوا ہے۔ تجارت، سرمایہ کاری، توانائی، ٹیکنالوجی، ثقافت اور عوام سے عوام کے تعلقات میں بہتری آئی ہے۔ خاص طور پر قطر میں مقیم ہندوستانی برادری، جو قطر میں سب سے بڑی تارکین وطن کمیونٹی ہے، دونوں ممالک کے تعلقات کو مزید مضبوط کرتی ہے۔
امیر قطر کا یہ دورہ دونوں ممالک کے درمیان مستقبل کے تعلقات کو مزید مستحکم کرے گا۔ ہندوستان-قطر تعلقات کے تنوع اور گہرائی کو دیکھتے ہوئے، اس دورے کے دوران کئی اہم معاہدوں اور اشتراکی منصوبوں پر دستخط کیے جانے کا امکان ہے۔
-بھارت ایکسپریس
پی ایم او نے ’ایکس‘ پر لکھا، ’بھارت سے آبی حکمرانی کا ایک ایسا ماڈل…
مظفر نگر کے طالب کو میرٹھ کی ذاکر کالونی میں قتل کیا گیا، بیوی علمہ…
ہرمن پریت نے منگل کے روز سوشل میڈیا پر ایک طویل پوسٹ کے ذریعے تمام…
انڈیا اتحاد کے اس احتجاج کے دوران اپوزیشن ارکان نے چیف الیکشن کمشنر گیانیش کمار…
چیف الیکشن کمشنر گیانیش کمار کے استعفے کے مطالبے پر ’انڈیا‘ بلاک کے تقریباً 300…
پارلیمنٹ ہاؤس سے الیکشن کمیشن کے دفتر کی جانب بڑھ رہے اپوزیشن کے مارچ کو…