PM Modi and Amit Shah pay tribute to Lokmanya Tilak: وزیر اعظم مودی اور امت شاہ نے لوک مانیہ تلک کو ان کے یومِ پیدائش پر پیش کیا خراج عقیدت، کہا-وہ دوسروں کی خدمت کرنے پر رکھتے تھے یقین

وزیر اعظم نریندر مودی نے بھارت کے ممتاز مجاہد آزادی، مفکر،اور سیاسی رہنما لوک مانیہ بال گنگا دھر تلک کو ان کے یومِ پیدائش پر خراج عقیدت پیش کرتے ہوئے کہا کہ وہ ایک ایسے سرکردہ رہنما تھے جنھوں نے ہندوستان کی تحریک آزادی میں نہایت اہم کردار ادا کیا اور وہ ہمیشہ دوسروں کی خدمت پر یقین رکھتے تھے۔

پی ایم مودی نے سوشل میڈیا پر شیئر کا اپنا پیغام

سوشل میڈیا پلیٹ فارم ’ایکس‘ پر پوسٹ کرتے ہوئے پی ایم مودی نے لکھا کہ ’’لوک مانیہ تلک کو ان کے یومِ پیدائش پر شت شت نمن۔ وہ ایک ایسے سرکردہ رہنما تھے جنھوں نے ہندوستان کی تحریک آزادی کی روح کو اٹل یقین کے ساتھ روشن کرنے میں اہم کردار ادا کیا۔ وہ ایک بہترین مفکر بھی تھے جو علم کی طاقت اور دوسروں کی خدمت کرنے پر یقین رکھتے تھے۔‘‘

وہیں وزیر داخلہ امت شاہ نے بھی سوشل میڈیا پلیٹ فارم ’ایکس‘ پر پوسٹ کرتے ہوئے لکھا کہ ’’اس زمانے کے عظیم انسان، لوک مانیہ بال گنگادھر تلک جی کو ان کے یوم پیدائش پر سلام، جنھوں نے سوراج کا اعلان کرکے آزادی کی جدوجہد کو سمت دی۔ بال گنگادھر تلک جی نے سوراج کے تصور کو حقیقت بنانے کے لیے اپنی پوری زندگی وقف کر دی اور جدوجہد آزادی کو نظریاتی توانائی دے کر برطانوی راج کے خلاف قومی اتحاد کو مضبوط کیا۔‘‘

وزیر داخلہ نے مزید لکھا کہ ’’گنیشوتسو سے لے کر گیتا رہسیہ تک، تلک مہاراج نے آزادی کی جدوجہد کو ثقافت سے جوڑ کر مزید جامع بنا دیا۔ قومی تعمیر میں بال گنگادھر تلک جی کا تعاون ہمیشہ نوجوانوں کو ’سب سے پہلے قوم‘ کی طرف رہنمائی کرتا رہے گا۔‘‘ انھوں نے اس کے ساتھ ایک مختصر ویڈیو بھی شیئر کی جس میں لوک مانیہ تلک کی زندگی پر روشنی ڈالی گئی ہے۔

بھارت ایکسپریس اردو