Phase Two has been too good! : این ڈی اے کو جو حمایت مل رہی ہے وہ اپوزیشن کے لیے مایوس کن ہے:دوسرے مرحلے کی ووٹنگ ختم ہونے پر پی ایم مودی کا بیان

ملک کی 13 ریاستوں اور مرکز کے زیر انتظام علاقوں کی 88 لوک سبھا سیٹوں پر دوسرے مرحلے کی ووٹنگ ختم ہوگئی ہے۔ اس کے ساتھ ہی بیرونی منی پور لوک سبھا حلقہ کے باقی علاقوں میں بھی ووٹنگ  ہوئی ہے۔ آج کیرالہ کی تمام 20، کرناٹک کی 14، راجستھان کی 13، اتر پردیش اور مہاراشٹر کی 8، مدھیہ پردیش کی 6، آسام اور بہار کی 5، مغربی بنگال اور چھتیس گڑھ کی 3-3، تریپورہ میں 1-1 پر ووٹ ڈالے گئے۔ جموں و کشمیر کی دونوں لوک سبھا سیٹوں پر ووٹنگ ہوئی ہے۔

دوسرے مرحلے کے تحت شام 5 بجے تک 61 فیصد ووٹنگ ہوئی۔ شام 5 بجے تک تریپورہ میں سب سے زیادہ ٹرن آؤٹ 76.2 فیصد ریکارڈ کیا گیا۔ اس کے بعد منی پور میں 76.1 فیصد ووٹ پڑے۔ شام 5 بجے تک چھتیس گڑھ میں 72.1 فیصد ووٹنگ ہوئی۔ وہیں مغربی بنگال اور آسام میں شام پانچ بجے تک 70 فیصد سے زیادہ ووٹنگ ہوئی۔ لوک سبھا انتخابات کے دوسرے مرحلے میں آج (26 اپریل) کو 13 ریاستوں اور مرکز کے زیر انتظام علاقوں کی 88 نشستوں کے لیے انتخابات ہوئے۔

این ڈی اے کو جو حمایت مل رہی ہے وہ اپوزیشن کے لیے مایوس کن ہے: پی ایم مودی

دوسرے مرحلے کی ووٹنگ مکمل ہونے پر پی ایم مودی کی جانب سے ایک پیغام جاری کیا گیا ہے ۔پی ایم مودی نے  ووٹنگ ختم ہونے کے بعد سوشل میڈیا پلیٹ فارم ایکس پر لکھا کہ دوسرا مرحلہ بہت اچھا تھا۔ ہندوستان بھر کے لوگوں کا شکریہ جنہوں نے آج ووٹ دیا۔ این ڈی اے کو جو بے مثال حمایت مل رہی ہے وہ اپوزیشن کو مزید مایوس کرنے والی ہے۔ ووٹر این ڈی اے کی اچھی حکمرانی چاہتے ہیں۔ نوجوان اور خواتین ووٹر این ڈی اے کو بھرپور حمایت دے رہے ہیں۔

بھارت ایکسپریس۔