Parliament Monsoon Session 2026: لوک سبھا میں پیپرلیک-رام مندر چڑھاوا چوری پرہنگامہ، راجیہ سبھا میں کانگریس صدر کھڑگے نے کہا- جنترمنتر پر لاٹھی چارج طلبا کو مارنے کی کوشش

نئی دہلی: کاکروچ جنتا پارٹی کے کارکنان اورطلباء کی ایک بڑی تعداد مختلف مقامات سے جنترمنترپر”چلوسنسد” مارچ میں شرکت کے لئے جمع ہوئے۔ کارکنان نے سونم وانگچک کی حمایت کی اورمرکزی وزیرتعلیم دھرمیندرپردھان کے استعفیٰ کا مطالبہ کیا۔ اس پُرامن مارچ کے ذریعہ طلبا وطالبات کا مطالبہ ہے کہ حکومت نیٹ پیپرلیک کا جواب دے اورذمہ داروں پرکارروائی کرے۔ حالانکہ خبریں ہیں کہ پُرامن مارچ میں پولیس جوانوں نے طلبا پرلاٹھی چارج کیا، جس سے اپوزیشن کے اراکین پارلیمنٹ ناراض ہوئے۔ اس سلسلے میں سماج وادی پارٹی کے اراکین پارلیمنٹ بھی جنترمنترپہنچ گئے ہیں۔

سماجوادی پارٹی کے ڈمپل یادو، اقرا حسن، پریا سروج، ضیاء الرحمن برق، راجیورائے، روچی ویرا اوردھرمیندریادوسمیت کئی اراکین پارلیمنٹ اس احتجاج میں پہنچے ہیں۔ ان کے ہاتھ میں بینر ہیں، ’نیٹ ہے یا چیٹ ہے‘۔ اسی کے ساتھ سماجوادی پارٹی کی رکن پارلیمنٹ اوراکھلیش یادوکی بیوی ڈمپل یادونے”چلوسنسد” مارچ سے متعلق پارلیمنٹ کے باہربڑا بیان دیا۔ انہوں نے ناراضگی ظاہرکرتے ہوئے کہا کہ یہ بہت ہی بدقسمتی ہے کہ ملک کے بچے لاٹھیاں کھا رہے ہیں۔ حکومت طلبا کی سننا ہی نہیں چاہتی ہے۔

#WATCH | Lok Sabha adjourned to meet again at 12 Noon today.

Amidst protest by opposition MPs over various issues, Speaker Om Birla said, “Please remain seated. Cooperate in running the House.”

(Source: Sansad TV) pic.twitter.com/WcgvCRfmYN

— ANI (@ANI) July 20, 2026

ڈمپل یادونے کہا کہ ملک میں یہ مذاق ہورہا ہے۔ سماجوادی پارٹی کے رکن پارلیمنٹ کا یہ بھی کہنا ہے کہ نیٹ کی پورا پروسیس کرپٹ ہے۔ ملک میں نہ جانے کتنے پیپرلیک ہوئے ہیں۔ سوال یہی ہے کہ اس کی ذمہ داری حکومت لے گی یا نہیں؟ اب پانی سرسے اوپرسے نکل چکا ہے۔ کسان بھی پریشان ہیں، طلبا بھی پریشان ہیں۔

طلبا کومارنے کی کوشش کررہی ہے حکومت: کھڑگے

وہیں، راجیہ سبھا میں کانگریس صدرملیکا ارجن کھڑگے نے جنترمنترپرلاٹھی چارج کا موضوع اٹھایا۔ انہوں نے کہا کہ یہ طلبا کے مستقبل کا معاملہ ہے۔ ہزاروں بچے وہاں پرآئے ہیں، وہاں لاٹھی چارج ہوگیا ہے۔ حکومت طلبا کومارنے کی کوشش کررہی ہے۔ حکومت اسے دبانے اورکچلنے کی کوشش کررہی ہے۔ ان کے اس بیان کے بعد ایوان میں ہنگامہ ہونے لگا۔ ایوان کی کارروائی 12 بجے تک ملتوی کردی گئی۔ ملیکا ارجن کھڑگے نے پہلے ہی کہہ دیا تھا کہ مانسون سیشن میں کانگریس پارٹی کن موضوعات کواٹھائے گی۔ انہوں نے کہا کہ کانگریس پارٹی اور متحدہ اپوزیشن عوام کی آوازبنے گی اورمودی حکومت سے ہرمسئلہ پرجواب مانگے گی۔ رام مندرکے لئے چندہ چوری ہویا پیپرلیک، ہم ہرمعاملے پرحکومت سے سوال کریں گے۔ 2014 سے اب تک 152 پیپرلیک ہوچکے ہیں اور25 بچے جان کی بازی ہارچکے ہیں۔ دھرمیندرپردھان کوبرخاست کرنا پڑے گا۔

#WATCH | Delhi: Rajya Sabha adjourned to meet again at 12 Noon today.

Leader of the Opposition in Rajya Sabha Mallikarjun Kharge says, “You have allowed me to present my views regarding this paper leak and the NEET examination scandal. This is a matter concerning students; I am… pic.twitter.com/2bRWp771zI

— ANI (@ANI) July 20, 2026

13 اگست تک چلے گا پارلیمنٹ کا مانسون سیشن

پارلیمنٹ کے مانسون سیشن میں حکومت کئی اہم بل پیش کرنے والی ہے۔ حد بندی (ڈی لمیٹیشن) سے متعلق بل بھی حکومت اس سیشن کے دوران لاسکتی ہے۔ پارلیمنٹ کا مانسون سیشن 20 جولائی سے 13 اگست تک چلے گا۔ اس دوران کئی بل پیش کئے جانے ہیں۔ حالانکہ اپوزیشن نے بھی اپنی پوری تیاری کی ہے اورحکومت کی مخالفت کرنے کی تیاری کررہی ہے۔ سب سے اہم کاکروچ جنتا پارٹی (سی جے پی) کے کارکنان پرپولیس کے رویے کو موضوع بنایا جا رہا ہے۔

بھارت ایکسپریس اردو-