Pappu Yadav Threat: پپو یادو کو ملی ایک اور دھمکی ،خط میں لکھا-15 دن میں اڑا دیں گے،لارنس بشنوئی کے مبینہ دوست نے بھیجا ہے دھمکی آمیز خط

بہار کے پورنیہ سے آزاد رکن پارلیمنٹ پپو یادو کی پورنیہ رہائش گاہ پر کورئیر کے ذریعے ایک خط بھیجا گیا ہے۔ یہ خط کندن کمار نامی شخص نے بھیجا ہے۔ خط میں انہوں نے لکھا ہے کہ میرا دوست لارنس بشنوئی تم  کو سابرمتی جیل سے بار بار فون کرتا ہے لیکن تم فون نہیں اٹھاتے۔ تمہاری الٹی گنتی شروع ہو گئی ہے۔

خط میں یہ بھی لکھا گیا ہے کہ تمہاری پورنیہ رہائش گاہ ارجن بھون کو 15 دنوں میں اڑا دیا جائے گا۔ اگر تم ہم سے رابطہ کرنا چاہتے ہو تو خط میں میرا نمبر لکھا ہوا ہے، اس نمبر پر مجھ سے رابطہ کرو۔

آپ کو بتا دیں کہ بابا صدیقی قتل کیس کے بعد پپو یادو نے ایکس پر پوسٹ کیا تھا کہ لارنس بشنوئی دو ٹکے کا غنڈہ ہے۔ اگر مجھے اجازت ملی تو میں 24 گھنٹے کے اندر اس کا نیٹ ورک تباہ کر دوں گا۔ پپو یادو کے اس پوسٹ کے بعد انہیں واٹس ایپ کال کے ذریعے دھمکی دی گئی۔ اس کے بعد سے انہیں مسلسل دھمکیاں دی جارہی ہیں۔اور اب ایک اور دھمکی ملی ہے جس میں ان کو جان سے مارنے کے بجائے ان کی رہائش گاہ کو دھماکے سے اڑانے کی دھمکی دی گئی ہے۔

بھارت ایکسپریس۔