Pakistan LOC firing India Target Civilians: ”آپریشن سندور“ سے بوکھلائے پاکستان نے ایل اوسی پرکردی فائرنگ، 7 ہندوستانی شہریوں کی موت، ہندوستانی فوج نے بھی دیا زبردست جواب

ہندوستان نے پاکستان کو زبردست جواب دیا ہے اور”آپریشن سندور“ کے تحت ملک کے 9 دہشت گردانہ ٹھکانوں کوتباہ کردیا ہے۔ ہندوستان کے اسی کارروائی کے بعد پاکستان بوکھلا گیا ہے اوراپنی ناپاک حرکتوں کوجاری رکھتے ہوئے ان سے عام ہندوستانیوں کونشانہ بنایا ہے۔ لائن آف کنٹرول (ایل اوسی) پرفائرنگ کی ہے۔ ایل اوسی کے پاس گاؤں پرتوپوں اورمورٹارسے گولی باری کی ہے، جس میں ایک خاتون اور دو بچوں سمیت 7 افراد کی موت ہوگئی ہے جبکہ 38 افراد زخمی ہوئے ہیں۔ جو سبھی 7 اموات ہوئی ہیں، اس میں سب سے زیادہ متاثرہ پونچھ ضلع میں ہوئی ہین۔ جبکہ 25 دیگرافراد زخمی ہوئے ہیں۔ افسران نے بتایا کہ بارہمولہ ضلع کے اری سیکٹر میں 10 لوگ زخمی ہوئے اور راجوری ضلع میں تین دیگر زخمی ہوئے ہیں۔

ہندوستان نے پاکستان پرایئراسٹرائیک کی۔ اسی کے بعد پاکستان بوکھلا گیا ہے اوراس نے عام ہندوستانی شہریوں کونشانہ بنایا ہے۔ پڑوسی ملک کی طرف سے ایل اوسی پرفائرنگ کی گئی ہے، جس میں 7 افراد کی موت ہوگئی ہے۔ اسی کے بعد اب موجودہ حالات کو دیکھتے ہوئے جموں، سانبا، کٹھوعہ، راجوری اورپونچھ میں سبھی اسکول، کالج اورتعلیمی ادارے آج بند کردیئے گئے ہیں۔

پاکستان کی ناپاک حرکت

پاکستان اپنی ناپاک حرکتوں سے بازآنے کا نام نہیں لے رہا ہے۔ جہاں ایک طرف ہندوستان نے اس کو سبق سکھانے کا کام کیا۔ وہیں، بوکھلاتے ہوئے ایل اوسی پرپاکستان نے ایک بارپھرگولی باری کی۔ 7-6 مئی کی درمیانی شب، پاکستانی فوج نے جموں وکشمیر کے سامنے ایل اوسی اورآئی بی کے پارچوکیوں سے توپ خانے کی گولی باری سمیت منمانے طریقے سے گولی باری کی۔ اندھا دھند گولی باری میں تین بے قصور شہریوں کی جان چلی گئی۔ پاکستان کی اس گولی باری کا ہندوستانی فوج نے زبردست جواب دیا۔ حالانکہ اس سے پہلے بھی پہلگام حملے کے بعد سے ہی مسلسل پاکستان سیزفائرکی خلاف ورزی کررہا ہے، جس پرہندوستان اس کومنہ توڑجواب دے رہا ہے۔