Pakistan is repeating the same mistakes in Baluchistan that it made in Bangladesh: پاکستان بلوچستان میں وہیں غلطیاں دہرا رہا ہے جو اس نے بنگلہ دیش میں کی تھیں

تحریر: سنت کمار شرما

مارچ 1971 کی بات ہے جب مغربی پاکستان (موجودہ پاکستان) کے لیڈران نے مشرقی پاکستان (موجودہ بنگلہ دیش) میں مقیم شیخ مجیب الرحمان اور ان کے حامیوں کے خلاف پوری طاقت کے ساتھ آگے بڑھنے کا انتخاب کیا۔ فوجی آمر جنرل یحییٰ خان نے بنگالی دانشوروں، طالب علموں اور ڈاکٹروں پر بڑے پیمانے پر جبر کا حکم دیا اور اجتماعی عصمت دری کا حکم دیا۔ نتیجہ یہ نکلا کہ 25 مارچ کو آپریشن سرچ لائٹ شروع کیا گیا جس میں بنگالیوں بالخصوص ہندوؤں اور مسلم قوم پرستوں کی بڑے پیمانے پر نسل کشی کی گئی۔ بنگالیوں کے خلاف پنجابی اکثریتی پاکستانی فوج کی طرف سے اس وحشیانہ ردعمل متحرک کرنے والے عناصر میں سے ایک اہم یہ تھا کہ بنگالیوں نے شیخ مجیب الرحمان کو پاکستان کا وزیراعظم بنانے کا مطالبہ کرنے کی جسارت کی تھی۔ کیوں کہ پورے پاکستان میں ہونے والے قومی انتخابات میں اس کے مشرقی اور مغربی دونوں حصوں میں شیخ کی جماعت ’’عوامی لیگ‘‘ واضح طور پر جیت کر سامنے آئی تھی۔ اس نے 300 رکنی ایوان میں 160 سے زیادہ نشستیں حاصل کی تھیں جب کہ ذوالفقار علی بھٹو کی پاکستان پیپلز پارٹی (پی پی پی) نے اس کے مقابلے میں 80 نشستیں حاصل کی تھیں۔

قومی انتخابات میں واضح شکست کے باوجود بھٹو نے اصرار کیا کہ وہ حکومت کا حصہ بنیں گی اور بنگالی رہنما کو ان کے ساتھ اقتدار میں شریک ہوجانا چاہیے۔ شیخ مجیب الرحمٰن نے واضح فاتح ہونے کے ناطے اس مکمل طور پر غیر جمہوری مطالبے کو منظور کرنے سے منع کر دیا۔ انھوں نے صبر کے ساتھ جنرل یحییٰ کے ذریعے نو منتخب پارلیمنٹ کا اجلاس بلانے کا انتظار کیا کیوں کہ وہ وزیر اعظم کا عہدہ سنبھالنے کے لیے تیار تھے۔ انھوں نے استدلال کیا کہ جنرل یحییٰ نو منتخب اراکین کے اجلاس کو غیر معینہ مدت تک ملتوی نہیں کر سکتے۔

عوام کے فیصلے سے چھیڑ چھاڑ

دریں اثنا جنرل یحییٰ نے ذوالفقار علی بھٹو اور شیخ مجیب الرحمان کے درمیان ثالثی کی کوشش کی لیکن بری طرح ناکام رہے کیوں کہ دونوں نے اپنے موقف سے پیچھے ہٹنے سے انکار کر دیا۔ اس سے ناراض فوجی آمر نے پھر پارلیمنٹ کا اجلاس نہ بلانے کا فیصلہ کیا، جس کا بنگالیوں نے دو ماہ سے زیادہ صبر سے انتظار کیا تھا۔ اس معاملے میں وہ واضح طور پر بھٹو کا ساتھ دے رہے تھے کیونکہ یحییٰ کا تعلق بھی مغربی پاکستان سے تھا۔ پھر جب بنگالیوں نے حکومت بنانے کے اپنے جمہوری حق سے انکار کے بعد ہنگامہ آرائی کی تو مشرقی پاکستان پر جنہم کا دہانہ کھول دیا گیا۔

یہ دن دہاڑے اس عوامنی مینڈیٹ پر ڈاکہ ڈالنے کے مترادف تھاجسے عوامی لیگ نے منصفانہ طور پر حاصل کیا تھا۔ پاکستان میں دسمبر 1970 کے انتخابات کے بارے میں ایک دلچسپ بات یہ تھی کہ وہ یحییٰ کی نگرانی میں کرائے گئے تھے، لیکن یہ بھی ضرور ہے کہ یہ انتخابات پاکستانی فوج نے مکمل طور پر آزادانہ اور منصفانہ انداز میں کرائے گئے تھے۔

کہا جاتا ہے کہ یحییٰ اور بھٹو نے انتخابات کو آزادانہ طور پر اس لیے ہونے دیے تھے کیوں کہ انٹیلی جنس ایجنسیوں کی پیشین گوئی کے مطابقت انھیں ایک معلق ایوان کی توقع تھی۔ انھیں خبر نہیں تھی کہ نتائج آنے کے بعد اور عوامی لیگ کی واضح جیت کے بعد کیا کیا جائے۔ وہ پریشان ہو گئے تھے کہ آگے کیا کریں؟ اگر وہ جمہوری مینڈیٹ کا احترام کرتے تو انھیں اقتدار شیخ مجیب الرحمان کو سونپنا پڑتا، جو کہ ان کے لیے ایک بہت بڑی بات تھی۔

لہٰذا انھوں نے دسمبر 1970 کے انتخابات میں مینڈیٹ کا احترام نہ کرنے کا فیصلہ کیا۔ اور اس صورت میں ان کے پاس واحد طریقہ مشرقی پاکستان پر وحشیانہ جبر ہی کا تھا۔ انھوں نے مارچ 1971 میں جو کچھ شروع کیا اس کے نتیجے میں بنگلہ دیش نو ماہ بعد اسی سال دسمبر میں 16 دسمبر 1971 کو پیدا ہوا۔ مارچ 1971 میں مغربی پاکستانی لیڈروں کو ایک بار بھی احساس نہیں ہوا کہ ان کی بربریت سے دنیا کے نقشے پر ایک نئی قوم کا تصور پیدا ہو گیا ہے۔

دھاندلی سے متاثر الیکشن کی حقیقت

حقیقی جمہوریتوں میں وقتاً فوقتاً انتخابات ایک بغیر کسی رکاوٹ کے عمل کا حصہ ہوتے ہیں جس کے ذریعے حکومتیں بنتی ہیں، بغیر خونریزی، فوجی بغاوتوں یا پرتشدد ہنگاموں کے۔ 15 اگست 1947 کو اس ملک کے بننے اور دسمبر 1970 کے درمیان پاکستان میں بمشکل ایک دہائی تک جمہوریت رہی ہے۔ یاد رہے کہ جنرل ایوب خان نے اکتوبر 1958 میں فوجی بغاوت کی تھی اور 1969 کے اوائل میں ہی انھوں نے اقتدار چھوڑ دیا تھا۔ لہٰذا پاکستان میں بڑے پیمانے پر یہ خیال کیا جاتا تھا کہ غیر جمہوری طریقوں کا سہارا لینا کوئی بڑی بات نہیں۔

دسمبر 1970 میں جب پاکستان میں آزادانہ اور منصفانہ انتخابات ہوئے تو مبصرین کے ذریعے وسیع پیمانے پر ’’دھاندلی‘‘ کی نشان دہی کی۔ 8 فروری 2024 کو پاکستان میں جو انتخابات ہوئے وہ بھی کچھ الگ نہیں تھے۔ اس میں مسلم لیگ (ن) کی حمایت اور عمران خان کی پاکستان تحریک انصاف کی مخالفت واضح تھی۔ اس لحاظ سے دسمبر 1971 کے انتخابات اور فروری 2024 کے انتخابات کے درمیان بہت زیادہ مماثلت ہے جسے نظر انداز نہیں کیا جا سکتا۔ جس طرح شیخ مجیب الرحمان کو فتح کے بعد اقتدار سے دور رکھنا پاکستان کے عدم استحکام اور ٹوٹ پھوٹ کا شکار بنا تھا، اسی طرح موجودہ دور میں شہباز شریف کی حکومت کی دھاندلی اور اور ہٹ دھرمی پاکستان میں عدم استحکام کی بنیادی وجہ ہے۔

وزیر اعظم شریف جیسے اعلیٰ عوامی لیڈر ہوں، یا جنرل عاصم نیر جیسے اعلیٰ فوجی کمانڈر، دونوں ہی خیبرپختونخوا اور بلوچستان میں بغاوتوں کو کچلنے کے لیے پرعزم ہیں۔ یہاں تک کہ صدر آصف زرداری بھی کھلم کھلا یہی کھیل کھیل رہے ہیں اور انھوں نے چند روز قبل کوئٹہ (بلوچستان) کا دورہ کیا تو شریف اور منیر کی باتیں ہی دہرائیں۔ ان کے بلوچستانی دارالحکومت کے دورے کی وجہ ان کی پارٹی، پیپلز پارٹی ہے جس کی قیادت ان کے بیٹے بلاول بھٹو زرداری کر رہے ہیں، جو بلوچستان پر حکومت کر رہی ہے۔

خیبرپختونخوا کو نظر انداز کرنا

صدر زرداری، وزیراعظم شہباز شریف اور پاکستان کے آرمی چیف جنرل عاصم منیر نے خیبر پختونخواہ کو منظم طریقے سے نظر انداز کیا ہے۔ اس کی بنیادی وجہ وہاں کے وزیر اعلیٰ امان علی کا تعلق عمران خان کی پارٹی سے ہونا ہے۔ فروری 2024 کے انتخابات کے بعد پورے ملک میں دھاندلی کی ان کی بہترین (یا بدترین) کوششوں کے باوجود وہ طاقتیں جو بنیادی طور پر پاک فوج اور اس وقت کی نگراں حکومت ہیں، عمران کے وفادار امن علی کو وزیر اعلیٰ بننے سے نہیں روک سکیں۔

خیبرپختونخوا کے گورنر فیصل کریم کنڈی کا تعلق بھٹو زرداری خاندان کی پیپلز پارٹی سے ہے اور انھوں نے چھوٹے موٹے بہانوں سے امان علی سے ٹکرانے میں کوئی کسر نہیں چھوڑی ہے۔ ایک وقت وزیر اعظم شریف کی سربراہی والی وفاقی حکومت، جنرل منیر کی سربراہی والی فوج اور صدر زرداری امان علی کو وزیراعلیٰ کے عہدے سے برطرف کرنے کے لیے پریشان تھے۔ انھوں نے امان کو صوبہ خیبرپختونخوا میں ’’امن و امان’’ برقرار رکھنے میں مبینہ ناکامی کے الزام میں برطرف کرنا چاہا۔ لیکن انھیں امان کو وزیراعلیٰ کے عہدے سے ہٹانے کے اپنے منصوبے کو روکنا پڑا کیونکہ ان کی برطرفی سے بلوچستان کے وزیراعلیٰ سرفراز بگٹی کی برطرفی کے مطالبات شروع ہو سکتے ہیں۔ صدر زرداری کے کوئٹہ کے جلد دورے کا مقصد پہلے بگٹی کی برطرفی کے لیے کچھ حلقوں کی جانب سے اٹھنے والے مطالبات کو ختم کرنا تھا۔ بلوچستان میں پی پی پی کی حکومت کو بچانے کے لیے کی جانے والی یہ چالاک سیاست صدر زرداری کی جلد بازی کی اصل وجہ ہے اور پریشانی بھی۔

صوبہ خیبرپختونخوا کی بنوں چھاؤنی پر حملے کے باوجود صدر زرداری نے صوبے کا دورہ نہ کرنے کا انتخاب کیا۔ جنرل عاصم منیر نے بنوں کا دورہ کیا اور حال ہی میں چھاؤنی پر حملے کی مذمت کی تاکہ وہاں تشدد کو ہوا دینے والے باغیوں کو پیغام دینے کی کوشش کی جا سکے۔ تاہم وزیرامان علی ان کے ساتھ نہیں تھے اور اس سے پی ٹی آئی اور جنرل منیر کے درمیان کی چپقلش واضح طور پر ظاہر ہوتی ہے۔

کیا ٹرین ہائی جیکنگ ہے آخری کیل؟

اس پس منظر میں ایسا لگتا ہے کہ بلوچستان میں 11 مارچ کو جعفر ایکسپریس کی حالیہ ہائی جیکنگ جہاں تک پاکستان کی فوج کا معاملہ ہے، تابوت میں آخری کیل کے مترادف ہے۔ فوج نے سیکیورٹی کے آلات کو تقویت بخشی ہے اور آنے والے دنوں میں بلوچستان میں بڑے پیمانے پر کریک ڈاؤن کی منصوبہ بندی کر رہی ہیں۔ یہ ٹرین ہائی جیکنگ پاکستانی سیکیورٹی اسٹیبلشمنٹ کے لیے خاص طور پر پریشان کن ثابت ہوئی ہے کہ یہ عملی طور پر ان کے لیے لائف لائن کا کام کرتی ہے۔

روزانہ کی بنیاد پر یہ کوئٹہ اور پشاور کے درمیان کم از کم 1,000 افراد، عام شہری اور سیکیورٹی اہلکار دونوں کو منتقل کرتا ہے، (مساوی واپسی کا سفر پشاور سے کوئٹہ ہے)۔ اس ٹرین کا ایک طرفہ سفر میں تقریباً 1,600 کلومیٹر کا فاصلہ طے کرنے میں تقریباً 35 گھنٹے لگتے ہیں اور یہ ٹرین اس سفر کے دوران کئی گیریژن شہروں سے گزرتی ہے۔ اس کے پورے سفر کے دوران کافی تعداد میں سیکورٹی اہلکار ٹرین میں، اور راستے میں تمام اسٹیشنوں پر پلیٹ فارم پر موجود ہوتے ہیں۔

بلوچستان لبریشن آرمی (بی ایل اے) نے گزشتہ چار ماہ کے دوران اس ٹرین کو دو بار 9 نومبر 2024 اور 11 مارچ 2025 کو نشانہ بنایا۔ نومبر کا واقعہ کوئٹہ ریلوے سٹیشن پر پیش آیا جب ایک خودکش بمبار نے خود کو دھماکے سے اڑا لیا اور اس میں دو درجن سے زائد فوجی اہلکار ہلاک ہوئے۔ حالیہ واقعے میں ہائی جیکنگ نے بلوچستان کو دنیا بھر میں زیادہ توجہ مرکوز کر دیا ہے۔

واضح رہے کہ گزشتہ کئی دہائیوں سے دنیا بھر میں کسی بھی ٹرین کو ہائی جیک کرنے کا کوئی واقعہ پیش نہیں آیا تھا۔ بی ایل اے کے قوم پرستوں نے جعفر ایکسپریس کو ہائی جیک کیا تو اس سے تقریباً پانچ دہائیاں قبل مئی 1977 میں ہالینڈ میں ٹرین ہائی جیکنگ کی یادیں تازہ ہوگئیں۔ نیدرلینڈز ٹرین ہائی جیکنگ میں یہ کام نو مسلح مولکین قوم پرستوں نے اپنے مطالبات کو تیز تر توجہ میں لانے کے لیے کیا تھا۔ جعفر ایکسپریس ہائی جیکنگ میں ہائی جیکروں کی تعداد بظاہر درجنوں میں تھی جو قریبی بنجر پہاڑوں سے اترے تھے۔

کریک ڈاؤن کی لاگت ہوگی بڑی

بلوچستان کے قوم پرست باغیوں اور سخت گیر تحریک طالبان پاکستان (ٹی ٹی پی) نے پاکستان کی مشکلیں بڑھا دی ہیں۔ نقل و حمل کے اخراجات، انتظامات اور رہائش کے اخراجات انتہائی حد تک مہنگے ہیں اور ان میں روز بروز اضافہ ہو رہا ہے۔

اتفاق سے پاکستان کے ان دو صوبوں اور یہاں ہندوستان میں جموں و کشمیر کے یونین ٹیریٹری (UT) کے جغرافیائی پھیلاؤ کے حوالے سے موازنہ چیزوں کو بہتر طور پر سمجھنے میں مدد کر سکتا ہے۔ بلوچستان، جو پاکستان کے جغرافیائی پھیلاؤ کے تقریباً 45 فیصد پر محیط ہے، تقریباً 3,50,000 مربع کلومیٹر پر محیط بنیادی طور پر بنجر علاقہ ہے، جس کی سرحدیں ایران اور افغانستان کے ساتھ ملتی ہیں۔ خیبر پختونخواہ تقریباً 1,00,000 مربع کلومیٹر پر مبنی بہت چھوٹا ہے، جس کی غیر محفوظ سرحد افغانستان سے ملتی ہے۔ اس کے مقابلے میں J&K تقریباً 42,000 کلومیٹر (جموں کا خطہ 26,000 مربع کلومیٹر، کشمیر 16,000 مربع کلومیٹر) بلوچستان اور KP صوبوں کا تقریباً 1/10 حصہ ہے۔ لہٰذا اندازہ لگائیے کہ جموں و کشمیر سے 10 گنا بڑے علاقوں میں سیکیورٹی فورسز کی موجوداگی کو برقرار رکھنے میں کتنا خرچہ آسکتا ہے؟ جنرل عاصم منیر اور وزیراعظم شریف ہی بتا سکتے ہیں! پھر ان دونوں صوبوں پر کنٹرول برقرار رکھنے کے علاوہ، منیر شریف کی جوڑی کو اپنے مشرقی پڑوسی ہندوستان کے لیے بھی اپنے کندھوں پر نظر رکھنے کی ضرورت ہے۔ کیوں کہ اس سے دائمی دشمنی کی وجہ سے اسے اپنی فوجیں گجرات، رجستھان، پنجاب اور جموں کشمیر کی سرحدوں پر تعنیات کرنے کی ضرورت ہے جو بھارت سے متصل ہیں۔

بلوچستان اور بنگلہ دیش

پچھلے کچھ سالوں سے خیبر پختونخوا اور بلوچستان کے وسیع علاقوں پر پاکستان کی وفاقی حکومت کی گرفت ڈھیلی پڑ رہی ہے۔ یہ بات عام ہے کہ پاکستانی سیکیورٹی فورسز دن کے وقت گشت کے ذریعے اپنی موجودگی سے زیادہ تر شاہراہوں کو کھلی رکھنے کے قابل ہیں، تاہم شام کے بعد باغی گولیاں چلاتے ہیں۔ جیسے ہی اندھیرا بڑھتا ہے، سیکورٹی فورسز چھاؤنی کے علاقوں، پولیس چوکیوں اور دیگر تنصیبات کے اندر اپنے مضبوط گڑھوں کی طرف پیچھے ہٹنے کو ترجیح دیتی ہیں۔

بنگلہ دیش کو وسائل کے استحصال، ملازمتوں میں غیر منصفانہ نمائندگی اور طاقت کے ڈھانچے کی وجہ سے اپنے مغربی حصے سے الگ ہونا پڑا۔ بنگالیوں کو ناراضگی تھی کہ انھوں نے خزانے میں بہت حصہ ڈالا لیکن بدلے میں بہت کم ملا۔ اس میٹرکس پر بلوچستان کی حالت بھی مختلف نہیں۔ بلوچستان کے وسیع علاقے معدنیات سے مالا مال ہیں، قدرتی گیس سے مالا مال ہیں لیکن یہ پاکستان کے مفاد کے لیے صوبے سے باہر لے جائے جاتے ہیں۔

گوادر بندرگاہ کی ترقی کو چین پاکستان اقتصادی راہداری (CPEC) کا سنگ بنیاد قرار دیا گیا ہے، جو پاکستانیوں کی تقدیر بدل دے گا۔ آس پاس کے علاقوں کی ترقی مقامی ماہی گیروں کے لیے مسائل کا باعث بنی کیوں کہ چینیوں نے انھیں حاشیے پر دھکیل دیا گیا۔ جو انفراسٹرکچر بنایا گیا ہے اس میں لیبر یا تو چینی تھی یا پنجابی! یہی وجہ ہے کہ بلوچ باغیوں نے بلوچستان میں پنجابیوں کو نشانہ بنایا اور ان میں سے بعض کو قتل کیا۔

آگے کیا ہوگا؟

بلوچ اب سمجھ گئے ہیں کہ گوادر کی ترقی ان کے لیے فائدہ مند نہیں۔ اس کا مقصد چینیوں کو سمندری راستے تک رسائی حاصل کرنے میں مدد کرنا ہے اور پاکستان کو نرم قرضوں کے ذریعے کچھ رعایتیں مل سکتی ہیں، جیسے قرضوں کی پختگی کو موخر کرنا وغیرہ۔ دوسرے لفظوں میں مقامی بلوچوں کو پاکستان، یا اس کا آقا چین کی نظر میں بھروسے مند اسٹیک ہولڈرز نہیں سمجھا جاتا۔ اس صورت حال میں آپ اندازہ لگا سکتے ہیں کہ بلوچ کتنے بےچین ہوں گے اور وہ پاکستان سے الگ ہونے کے لیے کتنے پرجوش ہیں۔