Jammu and Kashmir Assembly silence for Pahalgam Terror Attack victims: پہلگام میں مارے گئے مہلوکین کو خراج عقیدت، جموں وکشمیر اسمبلی نے دہشت گردانہ حملے کی مذمت کی

گزشتہ ہفتے پہلگام دہشت گردانہ حملے میں مارے گئے 26 افراد کوخراج عقیدت پیش کرتے ہوئے جموں وکشمیراسمبلی نے آج کچھ لمحے کے لئے خاموشی اختیارکی۔ اسمبلی میں آج پیرکے روش جیسے ہی ایوان کا خصوصی سیشن شروع ہوا، اسمبلی اسیپکرعبدالرحیم راٹھیرنے پہلگام دہشت گردانہ حملے میں بے قصورسیاحوں کا بے رحمانہ قتل کئے جانے کی مذمت کی۔

جموں وکشمیر کے وزیراعلیٰ عمرعبداللہ نے اسمبلی میں اپنے خطاب کے دوران اس حملے میں مارے گئے سبھی 26 سیاحوں کے نام لئے۔ انہوں نے کہا کہ شمال سے لے کرجنوب تک اورمشرق سے لے کرمغرب تک، اروناچل سے لے کرگجرات تک، جموں وکشمیرسے کیرلا تک اوربیچ کی تمام ریاستیں پورا ملک اس حملے کی لپیٹ میں آیا ہے۔ جموں وکشمیرمیں یہ پہلا حملہ نہیں ہے، لیکن درمیان کا ایک ایسا وقت آیا تھا کہ یہ حملے رک گئے تھے۔ اسی کے بعد پہلگام کا یہ حملہ 21 سال کے بعد اتنا بڑا حملہ ہوا ہے۔

اسپیکرعبدالرحیم راٹھیر نے کہا، ’’ہم دہشت گردانہ حملے میں مارے گئے لوگوں کوخراج عقیدت پیش کرتے ہیں۔ ساتھ ہی ان اہل خانہ کے تئیں اظہارہمدردی بھی کرتے ہیں، جنہوں نے اپنے اہل خانہ کو کھودیا۔“ اس کے بعد اسپیکرنے اعلان کیا کہ ایوان اس وحشیانہ حملے میں ہلاک ہونے والوں کوخراج عقیدت پیش کرنے کے لئے ایک لمحے کی خاموشی اختیارکرے گا۔

وحشیانہ اورغیرانسانی حملے سے گہرا صدمہ پہنچا