پہلگام دہشت گردانہ حملے میں شامل عادل کی ماں نے فوج سے بڑی اپیل کی ہے۔
Pahalgam Terror Attack: جموں وکشمیر کے پہلگام حملے میں شامل دہشت گرد عادل حسین تھوکر کی ماں شہزادی بانو نے کہا ہے کہ اگر اس کا بیٹا اس میں شامل ہے تواس کا انکاؤنٹر کردینا چاہئے۔ انہوں نے کہا، ”اگرعادل کا رول اس دہشت گردانہ حملے میں ہے تو فوج کواختیارہے کہ وہ جو چاہے وہ کرے۔ انکاؤنٹرکرنا چاہے توانکاؤنٹر کرے۔” انہوں نے کہا، ”فورسیز کو اسی جگہ پر عادل کا انکاؤنٹر کردینا چاہئے تھا، اگروہ وہاں پرتھا۔”
2018 میں عادل گھرسے چلاگیا: ماں کا دعویٰ
شہزادی بانو نے کہا، ”سال 2018 میں عادل یہاں سے چلا گیا اور کبھی واپس نہیں آیا۔ اس کے بعد سے میری بات بھی نہیں ہوئی۔ عادل سے کہوں گی کہ اگر وہ زندہ ہے تو وہ سرینڈر کرے کیونکہ اس کی وجہ سے ہمیں تکلیف ہو رہی ہے۔ ” انہوں نے کہا کہ کل شام سیکورٹی فورسیز کے لوگ میرے پاس آئے تھے، انہوں نے مجھے ایک تصویر دکھائی، لیکن میں نے انہیں بتایا کہ یہ عادل نہیں ہے۔ جمعرات-جمعہ کی درمیانی رات میں سیکورٹی اہلکاروں کے آپریشن کے دوران پہلگام حملے میں شامل عادل اور ایک دیگر دہشت گرد کے گھروں میں دھماکہ ہوا۔
عادل حسین تھوکر اور آصف شیخ کا گھرمنہدم
افسران نے کہا، ”سیکورٹی اہلکارلشکرطیبہ کے دودہشت گردوں عادل حسین تھوکراورآصف شیخ کے مکانوں میں تلاشی لے رہے تھے، تبھی وہاں پہلے سے رکھے دھماکہ خیزاشیاء میں دھماکہ ہوگیا۔ دھماکوں کی وجہ سے مکان منہدم ہوگئے۔”
جنوبی کشمیر کے اننت ناگ ضلع کا باشندہ عادل حسین تھوکر منگل کو پہگام میں کئے گئے دہشت گردانہ حملے کے اہم ملزمین میں شامل ہے۔ پلوامہ ضلع کے ترال باشندہ شیخ کے بھی حملے کی سازش میں شامل ہونے کا خدشہ ہے۔ 22 اپریل کو پہلگام میں ہوئے دہشت گردانہ حملے میں 26 افراد کی موت ہوگئی تھی۔ اس کے بعد سے ہی سیکورٹی اہلکار دہشت گردوں کی تلاش میں مصروف ہیں۔ بڑے پیمانے پر کشمیر میں آپریشن چلایا جا رہا ہے۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…