Weather Update: دہلی –ین سی آرمیں موسلادھار بارش، جانئے ملک کی دیگر ریاستوں میں آج کیسا رہے گا موسم

بھارت میں مانسون اب اپنے عروج پر ہے اور اس کا اثر ملک کے کونے کونے میں دیکھا جا رہا ہے۔ شمال سے جنوب اور مشرق سے مغرب تک موسلادھار بارشوں کا سلسلہ جاری ہے۔ محکمہ موسمیات نے کئی ریاستوں کے لیے اورنج اور ریڈ الرٹ جاری کیا ہے۔ دریاؤں  اور ندیوںکا پانی خطرے کے نشان سے اوپر جا رہا ہے اور نشیبی علاقوں سے لوگوں کو محفوظ مقامات پر منتقل کیا جا رہا ہے۔

دہلی کا موسم:
ملک کی راجدھانی دہلی کی بات کریں تو آج 4 اگست کو یہاں تیز ہواؤں کے ساتھ موسلادھار بارش کی پیشگوئی ہے۔ موسم میں اچانک تبدیلی دیکھی جا سکتی ہے۔ محکمہ موسمیات نے اس موقع پر بارش کا الرٹ جاری کیا ہے۔ 30 سے 40 کلومیٹر فی گھنٹہ کی رفتار سے ہوائیں چل سکتی ہیں ۔ لوگوں کو ہدایت دی گئی ہے کہ وہ کھلی جگہوں پر نہ نکلیں اور پانی بھرنے والے علاقوں سے دور رہیں۔

یوپی کا موسم:
ملک کی سب سے زیادہ آبادی والی ریاست اترپردیش میں بھی موسم میں بڑی تبدیلی کی امید ہے۔ ریاست کے 50 اضلاع میں اورنج الرٹ جاری ہوا ہے، محکمہ موسمیات نے لوگوں سے اپیل کی ہے کہ وہ ندی کے قریب یا کھلی جگہوں پر نہ جائیں اور بجلی چمکنے کے وقت محتاط رہیں۔

بہار کا موسم:
بہار میں بھی 4 اگست کو شدید بارش کا امکان ہے۔ محکمہ نے لوگوں کو آسمانی بجلی سے بچنے کے لیے ضروری احتیاط برتنے کی تنبیہ کی ہے۔ دیہی علاقوں میں خاص طور پر احتیاط کی ضرورت ہے کیونکہ وہاں بجلی گرنے کے واقعات زیادہ ہوتے ہیں۔

پہاڑی ریاستوں کا حال:
ہماچل پردیش میں مانسون فعال ہے اور 4 اگست کو شدید سے بہت شدید بارش کا امکان ہے، لینڈ سلائیڈنگ اور سڑک بند ہونے کے خطرے کے پیش نظر پہاڑی علاقوں میں سفر سے پرہیز کی ہدایت دی گئی ہے۔

اتراکھنڈ میں موسم کی صورتحال:
اتراکھنڈ میں 4 اگست کے لیے کئی اضلاع میں شدید بارش کا الرٹ۔ اس دوران سیلاب اور مٹی کے تودے گرنے کا خطرہ بڑھ سکتا ہے۔ مقامی انتظامیہ نے لوگوں کو محتاط رہنے اور غیر ضروری سفر سے پرہیز کرنے کی ہدایت دی ہے۔

راجستھان کا موسم:
راجستھان کے کئی اضلاع میں 4 اگست کو تیز بارش کا امکان ہے۔ مقامی انتظامیہ نے نکاسی آب کی حالت درست رکھنے اور سیلابی علاقوں میں نگرانی بڑھانے کی ہدایات دی ہیں۔

محکمہ موسمیات کا پیشگوئی:
بھارتی محکمہ موسمیات (IMD) نے ایک تازہ پیشگوئی میں کہا ہے کہ اگست اور ستمبر 2025 کے دوران ملک میں معمول سے زیادہ بارش ہونے کا امکان ہے۔ یہ خبر زراعت، آبی وسائل کے انتظام اور عام لوگوں کی زندگی کے لیے بہت اہم مانی جا رہی ہے۔ بھارتی محکمہ موسمیات کے مطابق اگست میں ملک کے زیادہ تر حصوں میں معمول کی بارش جبکہ ستمبر میں معمول سے زیادہ بارش ہونے کی امید ہے۔ نیوز ایجنسی PTI کی رپورٹ کے مطابق 1 جون سے 31 جولائی 2025 کے درمیان بھارت میں 474.3 ملی میٹر بارش ہو چکی ہے، جب کہ اس مدت کے لیے معمول کی بارش 445.8 ملی میٹر ہوتی ہے۔ یعنی اب تک 6 فیصد زیادہ بارش ہو چکی ہے۔

بھارت ایکسپریس اردو