One IT Cell was celebrating when Vinesh Disqualified: جب ونیش کو نااہل قرار دیا گیا تو ایک آئی ٹی سیل جشن منا رہا تھا،جانئے بجرنگ پونیانے کس پارٹی کو بنایا نشانہ

پہلوان بجرنگ پونیا اور ونیش پھوگاٹ آج کانگریس میں شامل ہو گئے۔ دونوں نے پارٹی جنرل سکریٹری کے سی وینوگوپال، پارٹی لیڈر پون کھیڑا، ہریانہ کانگریس کے سربراہ ادے بھان اور ہریانہ کے اے آئی سی سی انچارج دیپک باوریا کی موجودگی میں کانگریس پارٹی میں شمولیت اختیار کی۔ ادھر کانگریس میں شامل ہونے کے بعد بجرنگ کا پہلا بیان سامنے آیا ہے۔ انہوں نے کہا کہ بی جے پی ہمارے ساتھ نہیں کھڑی ہے۔ریسلر پونیا نے یہ بھی کہا کہ ہمیں تنقید کا نشانہ بنایا جا رہا ہے۔ ہم نے ملک کی بیٹیوں کی آواز بلند کی۔ ہم مل کر کانگریس اور ملک کو مضبوط کریں گے۔

کانگریس میں شامل ہونے پر بجرنگ پونیا نے کہا کہ آج بی جے پی آئی ٹی سیل کیا کہہ رہا ہے کہ ہم صرف سیاست کرنا چاہتے تھے۔ ہم نے تمام خواتین بی جے پی ممبران پارلیمنٹ کو لکھا تھا کہ وہ ہمارے ساتھ کھڑے ہوں لیکن وہ پھر بھی نہیں آئیں۔ ہم خواتین کی آواز بلند کرنے کے لیےاحتجاج کر رہے ہیں، لیکن اب ہم جانتے ہیں کہ بی جے پی خواتین کے خلاف مظالم کرنے والوں کے ساتھ کھڑی ہے اور دیگر تمام پارٹیاں ہمارے ساتھ کھڑی ہیں۔

جب ونیش کو نااہل قرار دیا گیا تو ایک آئی ٹی سیل جشن منا رہا تھا – بجرنگ پونیا

بجرنگ نے کہا کہ ہم کانگریس پارٹی اور ملک کو مضبوط کرنے کے لیے سخت محنت کریں گے۔ جس دن ونیش نے فائنل کے لیے کوالیفائی کیا تو ملک خوش تھا لیکن اگلے دن سب اداس تھے، اس وقت ایک آئی ٹی سیل جشن منا رہا تھا۔بجرنگ پونیا نے مزید کہا کہ جنتر منتر پر ہمارے خلاف مظالم کے دوران بی جے پی کے علاوہ تمام پارٹیاں ہمارے ساتھ تھیں۔ میں کانگریس کے تمام رہنماؤں کا شکریہ ادا کرتا ہوں کہ انہوں نے مشکل وقت میں ہمارا ساتھ دیا۔”

بھارت ایکسپریس۔