Nitish Kumar Rubbish Displeasure News: اپوزیشن کی مشترکہ پریس کانفرنس میں کیوں شامل نہیں ہوئے بہار کے وزیراعلیٰ؟ نتیش کمار نے خود بتائی یہ بڑی وجہ

بنگلورو میں ہوئی اپوزیشن اتحاد کی خاص میٹنگ سے متعلق بہار کے  وزیراعلیٰ نتیش کمار کا بڑا بیان آیا ہے۔ میٹنگ کے بعد نتیش کمار سے متعلق کچھ خبریں چل رہی تھی، اس میں کہا جا رہا تھا کہ نتیش کمار اتحاد کے نام انڈیا (I.N.D.I.A.) رکھنے سے خوش نہیں ہیں۔ اب ایسی خبروں کو نتیش کمار نے خارج کردیا ہے۔

نتیش کمار بدھ کے روز بہار کے راجگیرشہر میں تھے۔  وہاں ایک پروگرام کو خطاب کرتے ہوئے نتیش کمار نے کہا کل کل دیگرپارٹیوں کی میٹنگ تھی۔ وہاں کی میٹنگ ختم ہوئی تو ہم چل دیئے۔ آج بول رہے ہیں کہ ہم پریس کانفرنس میں تھے ہی نہیں۔ جبکہ ہم سب بات مان کر وہاں سے نکلے تھے۔ ہم کو راجگیر آنا تھا، ہماری خواہش راجگیرآنے کی ہو رہی تھی۔ پوری طرح سے ہم لوگ ساتھ ہیں۔