چندرا بابو نائیڈو کو انڈیا الائنس نے بڑی پیشکش کی ہے۔
بی جے پی کو 2014 کے بعد پہلی بارلوک سبھا الیکشن میں اکثریت نہیں ملی ہے۔ ایسے میں حکومت بنانے کے لئے بی قومی جمہوری اتحاد (این ڈی اے) میں شامل پارٹیوں پربی جے پی کا انحصاربڑھ گیا ہے۔ این ڈی اے میں شامل مختلف پارٹیوں نے واضح کردیا ہے کہ وہ نریندر مودی کے ساتھ ہیں۔ دریں اثناء، بہارکے وزیراعلی نتیش کمارکی جنتا دل یونائیٹڈ (جے ڈی یو) اورسابق وزیراعلیٰ چندرابابونائیڈو کی تیلگو دیشم پارٹی (ٹی ڈی پی) کے این ڈی اے میں شامل ہونے سے بی جے پی کی پریشانیوں میں اضافہ ہوا ہے۔
جے ڈی یو نے کہا کہ اگنی ویراسکیم کے بارے میں دوبارہ سوچنے کی ضرورت ہے۔ یکساں سول کوڈ (یوسی سی) پر تمام ریاستوں کے ساتھ بات چیت کی جانی چاہئے۔ ساتھ ہی، ٹی ڈی پی مرکزمیں کئی اہم وزارتیں چاہتی ہے۔
جے ڈی یو نے کیا کہا؟
جے ڈی یوکے سینئرلیڈرکے سی تیاگی نے ایک ٹی وی چینل سے بات چیت میں کہا، ”اگنی ویراسکیم پرکافی مخالفت ہوئی تھی۔ الیکشن میں بھی اس کا اثردیکھنے کو ملا ہے۔ ایسے میں اس پردوبارہ غور کرنے کی ضرورت ہے۔ اگنی ویراسکیم سے متعلق نئے طریقے سے سوچنے کی ضرورت ہے۔” انہوں نے مزید کہا کہ یو سی سی پرہمارا رخ پہلے والا ہی ہے۔ یوسی سی سے متعلق وزیراعلیٰ نتیش کمارنے لا کمیشن کے چیئرمین کو خط لکھتے ہوئے کہا تھا کہ جے ڈی یو اس کے خلاف نہیں ہے، لیکن تمام پارٹیوں کے ساتھ بات چیت ہونی چاہئے۔
ٹی ڈی پی نے کیا مطالبہ کیا؟
دی اکنامک ٹائمس کی ایک رپورٹ کے مطابق، ٹی ڈی پی مرکزمیں لوک سبھا اسپیکرکا عہدہ اور 6 اہم وزارتیں چاہتا ہے۔ وہ اسے پانچ کرنے کے لئے راضی ہے۔ جے ڈی یو اور ٹی ڈی پی نے 4 اراکین پارلیمنٹ پرایک وزارت کا مطالبہ کیا ہے۔ اس طرح سے ٹی ڈی پی اورجے ڈی یوکومنانا بی جے پی کے لئے مشکل کام ہے۔ چراغ پاسوان کی لوک جن شکتی پارٹی (رام ولاس)، ایکناتھ شندے کی شیو سینا کے علاوہ جینت چودھری ایک اورجیتن رام مانجھی کی ہندوستانی عوام مورچہ کو بھی وزارت چاہئے۔
ٹی ڈی پی اور جے ڈی یو کیوں ہیں ضروری؟
مرکزمیں حکومت بنانے کے لئے 272 سیٹوں کی ضرورت ہے اور بی جے پی نے 240 سیٹیں جیتی ہیں۔ ایسے میں این ڈی اے میں شامل ٹی ڈی پی، جے ڈی یو، مہاراشٹرکے وزیراعلیٰ ایکناتھ شندے کی شیوسینا اور لوک جن شکتی پارٹی (رام ولاس) حکومت بنانے میں اہم کردار نبھائیں گی۔ ٹی ڈی پی کے پاس 16 اور جے ڈی یو کے پاس 12 اراکین پارلیمنٹ ہیں۔ شیوسینا (ایکناتھ شندے) کے پاس 7 اور 5 لوک سبھا چراغ پاسوان کے پاس ہیں۔
کیرالہ کے وزیر صنعت نے کہا کہ ان کی حکومت آئندہ ماہ انویسٹ کیرالہ گلوبل…
آئی ڈی ایس اے کے مطابق شمال مشرقی خطے کی دیگر سات ریاستیں کل فروخت…
امانت اللہ خان نے دہلی میں جاری بلڈوزر کارروائی کے خلاف احتجاج بھی کیا تھا…
ایجنسی نے اپنی رپورٹ میں کہا کہ "مجموعی توانائی کے مکس میں قابل تجدید ذرائع…
تقریب کے دوران، عہدیداروں نے اسپورٹس فار آل فاؤنڈیشن کے تعاون کی تعریف کی، جو…
ٹاٹا گروپ ہندوستان کا سب سے اعلیٰ درجہ کا برانڈ بننا جاری رکھے ہوئے ہے۔…